Batumelebi | რომელი პასპორტით შეგვიძლია წავიდეთ ევროპაში? რომელი პასპორტით შეგვიძლია წავიდეთ ევროპაში? – Batumelebi
RU | GE  

რომელი პასპორტით შეგვიძლია წავიდეთ ევროპაში?

ვიზალიბერალიზაციის პირობებით სარგებლობა ბიომეტრული პასპორტებითაა შესაძლებელი. ამ პასპორტის აღების საფასური 104 ლარია. ბიომეტრულ პასპორტებს იუსტიციის სახლები 2011 წლიდან გასცემენ.

„ბათუმელების“ კითხვაზე, არის თუ არა ამ დროიდან გაცემული ნებისმიერი პასპორტი ბიომეტრული, „იუსტიციის სახლის“ ცხელ ხაზზე გვიპასუხეს, რომ ყველა პასპორტი არ არის ბიომეტრიული: „ზოგჯერ, როცა მოქალაქე ვერ ახერხებს იუსტიციის სახლში მისვლას და შეუძლებელია მისი თითის ანაბეჭდის აღება,  ჩვეულებრივი პასპორტი გაიცემა. ასევე, ბიომეტრული პასპორტი არ გაიცემა იმ შემთხვევაში, როცა მოქალაქე კატეგორიულად მოითხოვს, მის პასპორტზე ჩიპი არ იყოს“.

ბიომეტრული პასპორტი, რომლითაც საქართველოს მოქალაქეებს  ევროპაში წასვლა შეუძლიათ, 48-გვერდიანი უნდა იყოს და მასზე გარედან დატანილი უნდა იყოს ჩიპი. იუსტიციის სახლში გვითხრეს, რომ ამ ეტაპზე ფასდაკლება პასპორტის გაცემაზე არ იგეგმება.

ბიომეტრიული პასპორტის ვადა 10 წელია.

იუსტიციის სახლის ვებგვერდის მონაცემებით, ბიომეტრული პასპორტის საფასურის გადახდის დროს შეღავათით სარგებლობენ:

ომისა და სამხედრო ძალების ვეტერანები მომსახურეობის საფასურის 50%-იანი შეღავათით; საქართველოს ოკუპირებული ტერიტორიებიდან იძულებით გადაადგილებული პირები მომსახურების საფასურის 50%-იანი შეღავათით;

მკვეთრად და მნიშვნელოვნად გამოხატული შეზღუდული შესაძლებლობის მქონე პირები  მომსახურების საფასურის 50%-იანი შეღავათით;

18 წლამდე პირები –  მომსახურების საფასურის 50%-იანი შეღავათით;

სრულწლოვანი პირი, რომელიც  არის უმაღლესი  საგანმანათლებლო დაწესებულების სტუდენტი  და რომელიც ფლობს პირადობის ელექტრონულ მოწმობას სტატუსით „სტუდენტი” თავისუფლდება ბიომეტრიული პასპორტისათვის გათვალისწინებული მომსახურების საფასურის გადახდისაგან 5% – ით.

ამავე თემაზე:

60-მდე ქვეყანა, სადაც საქართველოს პასპორტით უვიზოდ იმოგზაურებთ

ნეტგაზეთის მასალების სხვა გამოცემებში გადაბეჭდვის წესი
ავტორი