აჭარის სოფლის მეურნეობის სამინისტრომ კონკურსი გამოაცხადა სამინისტროს ცენტრალური აპარატის 6 ვაკანტურ პოზიციაზე:
- პროექტების დანერგვისა და საინფორმაციო უზრუნველყოფის სამსახურის უფროსი;
- დარგობრივი განვითარების განყოფილების უფროსი;
- პოლიტიკის დაგეგმვისა და შესრულების მონიტორინგის განყოფილების უფროსი;
- პოლიტიკის დაგეგმვისა და შესრულების მონიტორინგის განყოფილების მთავარი სპეციალისტი;
- აგრობიზნესის განვითარების განყოფილების მთავარი სპეციალისტი;
- იურიდიული დეპარტამენტის მთავარი სპეციალისტი;
სამინისტროს ინფორმაციით, დარგობრივი მიმართულების ვაკანტურ პოზიციებზე კონკურსი ჩატარდება ოთხ ეტაპად – განცხადების გადარჩევა; ტესტირება; წერითი დავალება და გასაუბრება, ხოლო იურიდიული დეპარტამენტის მთავარი სპეციალისტის ვაკანტურ პოზიციაზე კონკურსი ჩატარება სამ ეტაპად: განცხადების გადარჩევა; ტესტირება; გასაუბრება.
კონკურსში მონაწილეობის მიღების მსურველმა კანდიდატებმა აპლიკაციებთან ერთად www. hr.gov.ge-ზე უნდა ატვირთონ და გააგზავნონ შემდეგი დოკუმენტაცია:
- უმაღლესი განათლებისა/კვალიფიკაციის დამადასტურებელი დოკუმენტების ასლები;
- შრომის წიგნაკის ასლი (ასეთის არსებობის შემთხვევაში) ან სამუშაო გამოცდილების დამადასტურებელი სხვა დოკუმენტის ასლი, რომლითაც დადასტურდება სტაჟი.
ამასთან, ყველა დოკუმენტი უნდა იყოს წარდგენილი ქართულ ენაზე, დოკუმენტის უცხო ენაზე არსებობის შემთხვევაში სავალდებულოა მისი ნოტარიულად დამოწმებული ქართული თარგმანის წარდგენა.
„კონკურსში მონაწილეობას გააგრძელებს მხოლოდ ის კანდიდატი, რომელიც განაცხადის (აპლიკაციების) გადარჩევის საფუძველზე, დააკმაყოფილებს საკვალიფიკაციო მოთხოვნებს; კანდიდატი, რომლის მონაცემებიც არ შეესაბამება დადგენილ საკვალიფიკაციო მოთხოვნებს, მათ შორის სავალდებულოდ ასატვირთი დოკუმენტების ან/და ინფორმაციის არასრულყოფილად წარდგენის შემთხვევაში, ვერ გააგრძელებს კონკურსში მონაწილეობას. კონკურსში მონაწილე მსურველებმა სხვა მოთხოვნები იხილეთ ზემოთ აღნიშნულ ვებ გვერდზე. განცხადების მიღების ბოლო ვადაა მიმდინარე წლის 18 აპრილი“ – აღნიშნულია სამინისტროს განცხადებაში.
