Batumelebi | „ბათუმის ავტოტრანსპორტის“ დირექტორი ჯერ გაათავისუფლეს, შემდეგ დანიშნეს „ბათუმის ავტოტრანსპორტის“ დირექტორი ჯერ გაათავისუფლეს, შემდეგ დანიშნეს – Batumelebi
RU | GE  

„ბათუმის ავტოტრანსპორტის“ დირექტორი ჯერ გაათავისუფლეს, შემდეგ დანიშნეს

 

გია ლორია „ბათუმის ავტოტრანსპორტის“ დირექტორის თანამდებობიდან საკუთარი განცხადების საფუძველზე საკრებულომ გაათავისუფლა, თუმცა ის კონკურსის ჩატარებამდე დირექტორის მოვალეობის შემსრულებლად დანიშნეს. 

 

„ამ თანამდებობაზე დირექტორი ინიშნება კონკურსის წესით, ამიტომ, სანამ კონკურსი გამოცხადდება, გიორგი ლორია დირექტორის მოვალეობას შეასრულებს“-განაცხადა საკრებულოს იურისტმა სულიკო შვენთიძემ.   

 

 

საკრებულოს წევრების განცხადებით, თანამდებობიდან გათავისუფლებული გიორგი ლორიას, იმავე თანამდებობაზე მოვალეობის შემსრულებლად დატოვება, საკანონმდებლო ლაფსუსია, რამაც საკრებულოს წევრებს შორის კამათი გამოწვია. თუმცა საბოლოოდ, საკრებულოს წევრებმა გიორგი ლორიას მოვალეობის შემსრულებლად დანიშვნას, მხარი მაინც დაუჭირეს.

 

 

გიორგი ლორიას თანამდებობიდან გადადგომას მუნიციპალური ავტობუსის მძღოლები რამდენიმე კვირის განმავლობაში მოითხოვდნენ. მძღოლები ხელფასების გაზრდის მოთხოვნით ჯერ გაიფიცნენ, შემდეგ კი შიმშილობა გამოაცხადეს.

 

 

მუნიციპალური ავტობუსის მძღოლებმა, მერიაში შექმნილ ინტერფრაქციულ ჯგუფთან მოლაპარაკებების შემდეგ გაფიცვა შეწყვიტა.  

 

საკრებულო იმ კრიტერიუმებზე იმსჯელებს, რომელსაც „ბათუმის ავტოტრანსპორტის“ დირექტორი უნდა აკმაყოფილებდეს

 

გიორგი ლორია

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე