11 მარტის ბათუმის აქციის მონაწილეთაგან შვიდ პირს დღეს, 17 მარტს წაუყენეს ბრალი სისხლის სამართლის კოდექსით. გუშინ იგივე კოდექსით შს სამინისტრომ ექვსი პირი დააკავა. დღეს, 17 მარტს შს მინისტრის მოადგილემ შოთა ხუციშვილმა თქვა, რომ „ბათუმში მომხდარი არეულობის საქმეზე იმაზე მეტია დასაკავებელი, ვიდრე დავაკავეთ“. ეს იმას ნიშნავს, რომ სისხლის სამართლის კოდექსით კიდევ არაერთ ადამიანს დააკავებენ ბათუმში, უახლეს დღეებში.
შს სამინისტრომ 11 მარტის ბათუმის აქციის 92 მონაწილე უკვე დააკავა. მათგან უმრავლესობა ადმინისტრაციული ჯარიმით ან ადმინისტრაციული პატიმრობით გაათავისფლეს.
იმ პირებს, ვისაც სისხლის სამართლის კოდექსით გაასამართლებენ 4-დან 7 წლამდე, ან 7-დან 11 წლამდე თავისუფლების აღკვეთა ელოდებათ.