რამდენიმე წუთის წინ ენმ-ს წევრებმა ბათუმში გუშინ დაანონსებული მხარდამჭერი აქცია გააუქმეს, რითაც გაემიჯნეს მათი ოპონენტების მიერ გაკეთებულ ბრალდებებს, გუშინ განვითარებულ მოვლენებში, მათი მონაწილეობის შესახებ.
ენმ-ს წევრი გიორგი კირთაძე, მათი პარტიის წევრების მიმართ წაყენებულ ბრალდებებს საპროტესტო აქციის პოლიტიკური მიზნებისთვის გამოყენებასთან დაკავშირებით უარყოფს და ამბობს, რომ აქცია სულ სხვა პოლიტიკური ძალების მიერ იყო ორგანიზებული – “იქ იყო ბათუმელი მოქალაქეები მოსული და ბუნებრივია ამ აქციას ვუერთდებოდით ჩვენც, თავიდან ეს იყო მშვიდობიანი აქცია… შემდეგ დაიწყო მეორე აქცია, რომელსაც მშვიდობიანთან კავშირი არ ჰქონდა. ამ აქციის ორგანიზატორები იყვნენ ადამიანები, რომლებიც ყველა ჩვენთაგანს ხშირად გვინახავს ჩვენი პარტიის ოფისთან მოსულებიც, ბუნებრივია პირველ რიგში საუბარია მერაბ ღოღობერიძეზე და სხვებზე, რომლებიც პერიოდულად იკრიბებოდნენ და ჩვენს ოფისტან აწყობდნენ აქციებს. ეს ადამიანები იმართება სუსის მიერ. დღესაც მოსალოდნელია მოხდეს პროვოკაცია, ჩვენ გუშინ დავაანონსეთ აქცია, რომლის შემდეგაც სიტუაცია კიდევ უფრო გართულდა, ჩვენ არ გვინდა ამ ქალაქში დაძაბულობა, ამიტომ ვხსნით ამ აქციას” – ამბობს გიორგი კირთაძე.
