ბათუმში, პოლიციის დეპარტამენტთან მიმდინარე აქციაზე, აქციის მონაწილეები ფეიერვერკებს პოლიციის შენობის მიმართულებით ისვრიან.
ამ წუთებში პოლიციის ეზოში სამი მანქანა იწვის, რომელთაც ცეცხლი მას შემდეგ გაუჩნდა, რაც აქციის მონაწილეებმა პოლიციის შენობის ეზოში ბენზინით სავსე ბოთლები ისროლეს.
საპროტესტო აქციის ზოგიერთი მონაწილე ალმოდებული მანქანების ფონზე სელფებს იღებს. ამ წუთებში აქციის მონაწილეები შუქნიშანს ამტვრევენ.
____________________________________________
შეცდომის გასწორება: მასალაში თავდაპირველად აღნიშნული იყო, რომ აქციის მონაწილეებმა ფეიერვერკების მაღაზიის ვიტრინა გატეხეს და ისე გაიტანეს ფეირვერკები, რაც არ დადასტურდა. მაღაზიის მეპატრონის თქმით, მაღაზია არ გატეხილა და მათ დღის მანძილზე არც ფეირვერკები არ გაუყიდიათ.
