საჯარო სკოლებში პირველკლასელთა რეგისტრაცია განათლების მინისტრის ბრძანების შემდეგ დაიწყება. თუმცა, დაახლოებით როდის გამოიცემა ბრძანება პირველკლასელთა რეგისტრაციის შესახებ, სამინისტროში ვერ აკონკრეტებენ.
„წინა წლების პრაქტიკას თუ გავითვალისწინებთ, მინისტრის ბრძანება დაახლოებით მარტის ბოლოს ან აპრილის დასაწყისში გამოიცემა, აქედან გამომდინარე, მიმდინარე წელსაც ალბათ ამ პერიოდში უნდა ველოდოთ ბრძანებას და ამის შემდეგ დაიწყება რეგისტრაცია,“- გვითხრეს სამინისტროს პრესსამსახურში.
გასულ წელს პირველკლასელთა რეგისტრაციის შესახებ მინისტრის ბრძანება 30 მარტს გამოიცა.
2016-2017 სასწავლო წლისთვის პირველკლასელთა საყოველთაო რეგისტრაცია კი 4 მაისს დაიწყო.