Batumelebi | ფილმის ჩვენება და დისკუსია „აპოლოში“ ფილმის ჩვენება და დისკუსია „აპოლოში“ – Batumelebi
RU | GE  

ფილმის ჩვენება და დისკუსია „აპოლოში“

დღეს, 8 მარტს, 17:00 სთ-ზე, ჰაინრიჰ ბიოლის ფონდის სამხრეთ კავკასიის რეგიონული ბიურო ბათუმში, კინოთეატრ  „აპოლოში“ ფილმის  – „მისი ცხოვრების ვარსკვლავური საათი“ გეგმავს. ჩვენების შემდეგ იქნება საჯარო დისკუსია, მაია ბარქაიას მონაწილეობით.

მხატვრული ფილმი „მისი ცხოვრების ვარსკვლავური საათი“ მოგვითხრობს სამართლის დოქტორის, სოციალ-დემოკრატიული პარტიის წევრის, ელიზაბეტ ზელბერტის მოღვაწეობის შესახებ. ის ერთ-ერთი იყო იმ ოთხ ქალს შორის, რომლებიც საპარლამენტო საბჭოში მიიწვიეს კონსტიტუციაზე სამუშაოდ. ის სიტყვები, რაც დღეს უპირობოდ ეწერება კონსტიტუციით განსაზღვრულ ადამიანის უფლებათა ჩამონათვალში, გასაოცარი სიმტკიცისა და ბრძოლის ფასად გაიტანა ელიზაბეტ ზელბერტმა. მის მოთხოვნას მამაკაცებთან ერთად უპირისპირდებოდნენ საბჭოს წევრი ქალებიც, რომლებიც მიიჩნევდნენ, რომ მსგავსი ჩანაწერი არა მხოლოდ შექმნიდა სამართლებრივ ვაკუუმს, არამედ საფრთხეს წარმოადგენდა ოჯახისა და სახელმწიფოსთვისაც.

როგორ მოახერხა ელიზაბეტ ზელბერტმა ამ ისტორიულ ბრძოლაში გამარჯვება? რა მნიშვნელობა აქვს დღეს ასეთი ისტორიების დაფასებას და დამახსოვრებას? ამ და სხვა საკითხებზე შეგვიძლია ფილმის ჩვენების შემდეგ ვიმსჯელოთ.

„მამაკაცი და ქალი თანასწორია“ – ეს ჩანაწერი გერმანიის ფედერალური რესპუბლიკის კონსტიტუციაში 1948 წელს ვერ მოხვდებოდა, რომ არა ადვოკატ ელიზაბეტ ზელბერტის ძალისხმევა. ამ ერთმა წინადადებამ თავდაყირა დააყენა მთელი სამოქალაქო კოდექსი, რომელიც წლების განმავლობაში განიცდიდა ცვლილებებს, რათა ახალ კონსტიტუციასთან შესაბამისობაში მოსულიყო“.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com