მთავარი,სიახლეები

აჭარის ფინანსთა მინისტრის განმარტება ხეების მოჭრასთან დაკავშირებით

05.03.2017 • 3963
აჭარის ფინანსთა მინისტრის განმარტება ხეების მოჭრასთან დაკავშირებით

რამდენად კანონიერია მწვანე კონცხზე, ყოფილი სანატორიუმი „კოლხიდას“ ტერიტორიაზე ხეების მოჭა-მოთხრა? მიწის ნაკვეთი ცოტა ხნის წინ გაასხვისა აჭარის ფინანსთა და ეკონომიკის სამინისტრომ, ტერიტორიის 50%-ზე რეკრეაციული ზონის შენარჩუნების პირობით. აჭარის ფინანსთა და ეკონომიკის მინისტრი რამაზ ბოლქვაძე ამ საკითხზე „ბათუმელებთან“ შემდეგს განმარტავს:

„პირობაში ნამდვილად დევს, რომ 50% ტერიტორიის იყოს რეკრეაციული. მაგრამ ჯამში მაქ არის 32 ათასი კვ/მ ტერიტორია. გარდა იმისა, რომ რეკრეაციული ზონა უნდა შენარჩუნდეს, მაქ უნდა გაკეთდეს კოტეჯური სისტემის სასტუმროები, მოეწყოს კემპინგი, ასევე უნდა მოეწყოს რესტორანი. შესაბამისად, ახლა იქ თუ ხე იჭრება, ეს არ ნიშნავს იმიტომ იჭრება, რომ 50%-ზე ქვემოთ ჩამოვა სარეკრეაციო ზონა. მთელი ტერიტორიის ნახევარს, როგორც რეკრეაციულ ზონას, იქ არანაირი საფრთხე არ ემუქრება. ამასთან, წარმოდგენილი იქნება აუდიტის დასკვნა, სადაც ნაჩვენები იქნება ეს ყველაფერი და თუ აღმოჩნდება, რომ რაღაც დარღვევაა, შესაბამისი რეაქცია გვექნება. მაგრამ, მე რამდენადაც ვიცი, ეს ყველაფერი იმიტომ კეთდება, რომ იქ კოტეჯების ტიპის 10 ერთეული სასტუმრო უნდა მოეწყოს და ალბათ, ამიტომ არის საჭირო, რომ ეს ხეები მოიჭრას. კოტეჯები უნდა ჩაიდგას სწორედ გამწვანებულ ზოლში“.

მინისტრ რამაზ ბოლქვაძის თქმით, ქონების [ყოფილი „კოლხიდას“ ტერიტორიის] მესაკუთრე არ არის ვალდებული მიმდინარე სამუშაოები სამინისტროს წინასწარ შეუთანხმოს.

გადაბეჭდვის წესი


ასევე: