Batumelebi | კულტურული მემკვიდრეობის სააგენტო სასტუმრო „პრინცესას“ გააფრთხილებს კულტურული მემკვიდრეობის სააგენტო სასტუმრო „პრინცესას“ გააფრთხილებს – Batumelebi
RU | GE  

კულტურული მემკვიდრეობის სააგენტო სასტუმრო „პრინცესას“ გააფრთხილებს

აჭარის კულტურული მემკვიდრეობის სააგენტოს მონიტორინგის ჯგუფმა სასტუმრო „პრინცესას“ შესასვლელში დამონტაჟებული პანდუსის პარამეტრები შეისწავლა.

სააგენტოს უფროსის მოვალეობის შემსრულებლის, ლაშა ასლანიშვილის ინფორმაციით, უახლოეს დღეებში სასტუმრო მიიღებს წერილს, რომლითაც სააგენტო გააფრთხილებს მფლობელს, შეასრულოს სააგენტოსთან  შეთანხმებული პირობები:

„სასტუმრო „პრინცესას“, იგივე ძველი ფოსტის შენობას ბათუმში, რომელიც მემედ აბაშიძის #33-ში მდებარეობს, ბარათაშვილის ქუჩიდან ეტლით მოსარგებლეებისთვის პანდუსი ისე აქვს დამონტაჟებული, რომ ტროტუარი თითქმის სრულად არის ათვისებული, რის გამოც გამვლელები იქვე გაჩერებულ მანქანებს გარს უვლიან და მანქანების სავალ ნაწილზე გადასვლა უწევთ.

„ …ტროტუარის მოწყობის რეჟიმში ძეგლის სამართლებრივი ნაწილი არ ვრცელდება, მაგრამ რადგან პროექტის მიხედვით გათვალისწინებული იყო პანდუსის გაკეთება, ჩვენ დავავალდებულებთ, რომ ის პროექტით გათვალისწინებულ ჩარჩოებში მოაქციოს. თუმცა ალბათ მერიასთანაც უნდა შეათანხმონ, რადგან ტროტუარი, როგორც საზოგადოებრივი სივრცე, უკვე ქალაქს ეკუთვნის”.

ეს ნიშნავს თუ არა იმას, რომ უკვე არსებულ პანდუსს მოშლიან, ჯერჯერობით ცნობილი არ არის.

მერიაში კი აცხადებენ, რომ ამ შემთხვევაში ტროტუარის ათვისების პარამეტრები სააგენტომ უნდა გააკონტროლოს, რადგან შენობა ძეგლის სტატუსის მატარებელია.

ნეტგაზეთის მასალების სხვა გამოცემებში გადაბეჭდვის წესი
ავტორი