ბათუმის მერიის ინფორმაციით, უახლოეს პერიოდში მრავალსართულიანი სახლების სახურავებზე თოვლდამჭერების მოწყობა დაიწყება.
სამონტაჟო სამუშაოები 120 შენობაზე ჩატარდება, რისთვისაც ქალაქის ბიუჯეტში 200 ათასი ლარია გათვალისწინებული.
გასულ წელს ბათუმის მერიამ 12 და 9-სართულიან სახლებზე ჯამში 33 თოვლდამჭერი დაამონტაჟა.
აჭარაში მოსული დიდი თოვლის გამო, ქალაქის მერიამ გუშინ გაფრთხილებაც გაავრცელა, სადაც მოსახლეობას მოუწოდა, მოერიდონ მკვეთრი დახრილობის მქონე სახურავებიან შენობებთან გავლას, ჩამოცურებული თოვლის მასის დაცემისგან თავის არიდების მიზნით.
ამავე თემაზე: სახურავიდან თოვლდამჭერი თოვლთან ერთად ჩამოვარდა
