Batumelebi | აჭარის სავაჭრო-სამრეწველო პალატა არასამთავრობო ორგანიზაციებს შეხვდა აჭარის სავაჭრო-სამრეწველო პალატა არასამთავრობო ორგანიზაციებს შეხვდა – Batumelebi
RU | GE  

აჭარის სავაჭრო-სამრეწველო პალატა არასამთავრობო ორგანიზაციებს შეხვდა

 

დღეს აჭარის სავაჭრო-სამრეწველო  პალატაში აჭარაში მოქმედ არასამთავრობო ორგანიზაციების წარმომადგენლებთან გაიმართა შეხვედრა. შეხვედრის მიზანს რეგიონის სამოქალაქო სექტორში ჩართულობის ხარისხის გაზრდა და სავაჭრო-სამრეწველო პალატის საქმიანობის გაცნობა წარმოადგენდა. 

 

„დღევანდელი შეხვედრის მთავარი მიზანია აჭარაში მოქმედ არასამთავრობო ორგანიზაციებთან შეხვედრა, რათა მათ გავაცნოთ აჭარის სავაჭრო-სამრეწველო პალატის საქმიანობა,ასევე გასულ წელს შესრულებული საქმიანობა და სამომავლო გეგმები. ვაპირებთ, რომ ამ კუთხით მათთან თანამშრომლობა მომავალშიც გავაგრძელოთ და ნებისმიერი სიახლე, რომელი პალატის საქმიანობას შეეხება, აქტიურად გავაცნოთ.“ – განაცხადა აჭარის სავაჭრო სამრეწველო პალატის აღმასრულებელმა დირექტორმა ირაკლი სამნიძემ.

 

შეხვედრის მონაწილეებმა სავაჭრო-სამრეწველო პალატის გასული წლის საქმიანობაც მიმოიხილეს და სამომავლო გეგმებზეც ისაუბრეს, საუბარი ასევე შეეხო პალატისა და სამოქალაქო სექტორის როლს რეგიონის სოციალურ და ეკონომიკურ განვითარებაში.

 

შეხვედრაზე  რეგიონში მოქმედი 20-მდე არასამთავრობო ორგანიზაციის წარმომადგენელი იყო მიწვეული.

 

აჭარის სავაჭრო-სამრეწველო პალატა
აჭარის სავაჭრო-სამრეწველო პალატა

ნეტგაზეთის მასალების სხვა გამოცემებში გადაბეჭდვის წესი
თამარ ჯაყელი