Batumelebi | ფრინველზე მონადირეები ბათუმის ცენტრში [ვიდეო] ფრინველზე მონადირეები ბათუმის ცენტრში [ვიდეო] – Batumelebi
RU | GE  

ფრინველზე მონადირეები ბათუმის ცენტრში [ვიდეო]

ბათუმში, თოვლიან ამინდში, მონადირეები გამოჩნდნენ, რომლებიც ქალაქის გარეუბნებსა და ცენტრში იარაღით დადიან და მცირე ზომის ფრინველებზე ნადირობენ. ამ ფაქტის დამადასტურებელი ვიდეომასალა „ბათუმელებს“ დღეს, პირველ თებერვალს მიაწოდეს, სადაც ჩანს მონადრეები, რომლებიც ქალაქის ცენტრში,  გრიბოედოვის  ქუჩაზე ნადირობენ, კორპუსებთან ახლოს.

„ბათუმელების“ ინფორმაციით, ფრინველებზე ნადირობენ ე.წ. „ხოფის ბაზრობის“ ტერიტორიაზეც.

„პნევმატური იარაღიდან სროლა დასახლებულ ადგილას არის სამართალდარღვევა და იწვევს ჯარიმას 200 ლარის ოდენობით, პნევმატური იარაღის კონფისკაციით“ – აღნიშნა ბათუმელებთან“ გიორგი ხიმშიაშვილმა, საქართველოს ახალგაზრდა იურისტთა ასოციაციის აჭარის ფილიალის ხელმძღვანელმა.

შინაგან საქმეთა სამინისტროს პრესსამსახურში ამბობენ, რომ მსგავს ფაქტზე პოლიციაში შეტყობინება არ შესულა. მსგავს ფაქტებზე ინფორმაციას არ ფლობს არც გარემოს დაცვის ინსპექცია.

ნადირობა ბათუმში

ნადირობა ბათუმში

ნადირობა ბათუმში

ნადირობა ბათუმში

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com