Batumelebi | თვითმმართველობის არჩევნებამდე ერთი დღით ადრე სტუდენტებმა ცესკოს კარი აჭედეს თვითმმართველობის არჩევნებამდე ერთი დღით ადრე სტუდენტებმა ცესკოს კარი აჭედეს – Batumelebi
RU | GE  

თვითმმართველობის არჩევნებამდე ერთი დღით ადრე სტუდენტებმა ცესკოს კარი აჭედეს

 

ბათუმის შოთა რუსთაველის უნივერსიტეტში სტუდენტებმა უნივერსიტეტის თვითმმართველობის საარჩევნო კომისიის კაბინეტის კარები თვითმმართველობის არჩევნებამდე ერთი დღით ადრე, დღეს აჭედეს. 

 

 

როგორც „ბათუმელებს“ სტუდენტური თვითმმართველობის არჩევნებში მონაწილე ერთ-ერთი ჯგუფის წევრმა, გოჩა სურგულაძემ განუცხადა, კარის აჭედვის ინიციატიავა არჩევნებში მონაწილე ჯგუფებს ეკუთვნის. „ჩვენი პროტესტის მიზეზი არის ცესკოს მოკერძოება, სამშაბათს, 9 აპრილს არჩევნებში მონაწილე ერთ-ერთი ჯგუფის, „აპოლიტიკას“ წევრები ჩაიკეტნენ ცესკოს კაბინეტში საარჩევნო კომისიის წევრებთან ერთად და რამდენიმე საათის მანძილზე არ გამოსულან. შემდეგ გამოვიდნენ და ვიხუმრეთო – თქვეს.

 

ვითხოვთ გატარებული იქნას შესაბამისი ზომები, თუ ცესკოს წევრებზე იყო ზეწოლა, ეს უნდა ითქვას, თუ გარიგებას ჰქონდა ადგილი, შესაბამისი პირები უნდა დაისაჯონ.“ – ამბობს გოჩა სურგულაძე, „ალტერნატიული ინიციატივას“ წევრი.

 

სტუდენტური თვითმმართველობის არჩევნებში მონაწილე ჯგუფის წევრების, ზურა მესხიძისა და მისი თანაგუნდელების საარჩევნო კომისიის წევრებთან კაბინეტში  ერთად ჩაკეტვა ორი დღეა სტუდენტების განხილვის საგანია.  ცესკოს კაბინეტთან შეკრებული სტუდენტები რამდენიმე საათის მანძილზე მოითხოვდნენ კარის გაღებას და განმარტებას, რატომ იყვნენ კომისიის ოთახში, სადაც საარჩევნო დოკუმენტაცია ინახება, არჩევნებში მონაწილე ჯგუფის წევრები. კარი მაშინ გაიღო, როცა საქმეში უნივერსიტეტის დაცვის პოლიცია ჩაერია. ოთახში მოყოფებმა განაცხადეს, რომ ეს უბრალოდ ხუმრობა იყო.

 

ბათუმის შოთა რუსთაველის უნივერსიტეტის თვითმმართველოს არჩევნებში სამი ჯგუფი იღებს მონაწილეობას: „ალტერნატიული ინიციატივა“, „გულო თურმანიძის საინიციატივო ჯგუფი“ და „აპოლიტიკა“.  სტუდენტური თვითმმართველობის არჩევნები ხვალ, 12 აპრილს უნდა გაიმართოს. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"