აჭარის განათლების სამინისტროს ინფორმაციით, საჯარო სკოლებში შესაძლოა სწავლა შეწყდეს, რადგან მოსწავლეთა სწრებადობა დაბალია.
„ჩვენ თითოეულ სკოლაში ვრეკავთ და ვამოწმებთ ინფორმაციას. ამ დროისთვის სასწავლო პროცესი შეწყვეტილი არც ერთ სკოლაში არ არის, თუმცა ძალიან დაბალია მოსწავლეთა სწრებადობა.
ჩვენ არ ვიცით რა იქნება ბათუმის შემთხვევაში, რადგან ორცვლიანი სკოლები გვაქვს. ამიტომ, დღის ბოლოს მივიღებთ გადაწყვეტილებას. იქნება თუ არა ხვალ სწავლა, იმის მიხედვით გადავწყვეტთ, სწრებადობის რა მაჩვენებლი იქნება დღის ბოლოს სკოლებში,“-აცხადებენ განათლების სამინისტროს პრესსამსახურში.
მათივე ინფორმაციით, სწავლის შეწყვეტა ამინდის პროგნოზზეც იქნება დამოკიდებული.
