მთავარი,სიახლეები

შსს: საპოლიციო კონტროლის დროს ამოღებულია სხვადასხვა სახის ცეცხლსასროლი იარაღი

28.01.2017 • 3224
შსს: საპოლიციო კონტროლის დროს ამოღებულია სხვადასხვა სახის ცეცხლსასროლი იარაღი

შინაგან საქმეთა სამინისტროს ინფორმაციით, 2017 წლის 26-27 იანვარს, მთელი ქვეყნის მასშტაბით, სპეციალური საპოლიციო კონტროლი განახორციელა, რომლის დროსაც სამართალდამცველების მიერ გამოვლინდა სისხლის სამართლის 57 დანაშაული, მათ შორის:

  • ცეცხლსასროლი იარაღის მართლსაწინააღმდეგო შეძენა-შენახვისა და ტარების (სსკ-ს 236-ე მუხლი) – 9 ფაქტი;
  • ნარკოტიკების უკანონო შეძენა-შენახვა-გასაღების (სსკ-ს 260-ე მუხლი) – 15 ფაქტი;
  • ნარკოტიკული საშუალების საქართველოში უკანონოდ შემოტანა-გატანის (სსკ-ს 262-ე მუხლი) – 1 ფაქტი;
  • სხვისი ნივთის დაზიანების (სსკ-ს 187-ე მუხლი) – 2 ფაქტი;
  • პოლიციისთვის წინააღმდეგობის გაწევის (სსკ-ს 353-ე მუხლი) – 3 ფაქტი;
  • ძალადობის (სსკ-ს 126-ე მუხლი) – 1 ფაქტი;
  • ოჯახში ძალადობის (სსკ-ს 126-ე პრიმა მუხლი) – 3 ფაქტი;
  • ქურდობის (სსკ-ს 177-ე მუხლი) – 5 ფაქტი;
  • ხულიგნობის (სსკ-ს 239-ე მუხლი) – 1 ფაქტი;
  • პოლიციამ 2 ძებნილი პირი დააკავა.
  • დაფიქსირდა ადმინისტრაციული სამართალდარღვევის 883 შემთხვევა, მათ შორის:
  • ნარკოტიკების უკანონო მოხმარების (ასკ-ს 45-ე მუხლი) – 28 ფაქტი;
  • წვრილმანი ხულიგნობის (ასკ-ს 166-ე მუხლი) – 9 ფაქტი;
  • პოლიციისადმი დაუმორჩილებლობის (ასკ-ს 173-ე მუხლი) – 21 ფაქტი;
  • პოლიციისადმი დაუმორჩილებლობისა და წვრილმანი ხულიგნობის (ასკ-ს 173-ე და 166-ე მუხლები) – 13 ფაქტი;
  • ცივი იარაღის ტარების (ასკ-ს 181-პრიმა მუხლი) – 21 ფაქტი.

შსს-ს ცნობით, საპოლიციო კონტროლის მიმდინარეობისას, უკანონო ბრუნვიდან ამოღებული იქნა ასევე სხვადასხვა სახის ცეცხლსასროლი იარაღი და საბრძოლო მასალა, მათ შორის: 2 პისტოლეტი, 2 შაშხანა, 1 რევოლვერი, 1 გადაჭრილი სანადირო თოფი, 3 სანადირო თოფი, 3 ხელყუმბარა, 1 დეტონატორი, 300 გრამი ტროტილი და 122 სხვადასხვა კალიბრის საბრძოლო ვაზნა.

ასევე, ამოღებულია: 3 შეკვრა ჰეროინი, 1 შეკვრა „ბიო“, 100 აბი „გერალგინი“, 1 შეკვრა ამფეტამინი; 1 შეკვრა „მდმა“ და სხვა.

სამინისტროს ინფორმაციით, საპოლიციო კონტროლის დროს, სამართალდამცველებმა ჩადენილი სისხლის სამართლის დანაშაულისთვის – 16, ხოლო ადმინისტრაციული სამართალდარღვევისთვის – 36 პირი დააკავეს.

გადაბეჭდვის წესი


ასევე: