აჭარის ტურიზმის დეპარტამენტის ინფორმაციით, აჭარის ტურისტული ცენტრების მომსახურებით 2016 წელს 86 684-მა ვიზიტორმა ისარგებლა, რაც 2015 წლის მონაცემზე 94%-ით მეტია.
დეპარტამენტის ცნობით, რეგიონში არსებული ტურისტული პროდუქტებითა და სერვისებით ცენტრებში ძირითადად რუსი, თურქი, უკრაინელი,
პოლონელი და ებრაელი ტურისტები დაინტერესდნენ. მათ შორის განსაკუთრებული მოთხოვნა მაღალმთიანი აჭარის ტურისტულ მარშრუტებსა და პროდუქტებზე იყო.
ტურისტებსა და ვიზიტორებს აჭარის მასშტაბით, 9 საინფორმაციო-ტურისტული ცენტრი ემსახურება, სადაც ისინი რეგიონში არსებული ტურისტული სერვისების, ადგილებისა და პროდუქტების შესახებ დეტალურ ინფორმაციას იღებენ. აჭარის ტურიზმის დეპარტამენტის საინფორმაციო ცენტრები განთავსებულია ყველა მუნიციპალიტეტსა და ბათუმში.
