Batumelebi | სტუდენტები ოკუპაციის შესახებ სტუდენტები ოკუპაციის შესახებ – Batumelebi
RU | GE  

სტუდენტები ოკუპაციის შესახებ

ბათუმის შოთა რუსთაველის უნივერსიტეტში სტუდენტურმა მოძრაობა „ალტერნატივამ“ საბჭოთა ოკუპაციის დღისადმი მიძღვნილი  ღონისძიება გამართა.

 სტუდენტების შეხვედრის მთავარ მიზანს წარმოადგენდა 1921 წლის 25 თებერვალს საქართველოს დამოუკიდებელი რესპუბლიკის ოკუპაციის დაგმობა.  „ალტერნატივას” წარმომადგენლები თვლიან,  რომ საჭიროა ამ თემის პოპულარიზაცია და სტუდენტებში სახელმწიფოებრივი თვითშეგნების ამაღლება.  

 

შოთა რუსთაველის უნივერსიტეტში დღეს შეხვედრაზე  სტუდენტურმა მოძრაობამ თომა ჩაგელიშვილის მიერ გადაღებული დოკუმენტური ფილმი „პირველი რესპუბლიკა” აჩვენა.

 

„იმიტომ გავმართეთ ეს ღონისძიება, რომ ავღნიშნოთ,  გვახსოვს ჩვენი ისტორია, სტუდენტები მაშინაც და ეხლაც გადამწყვეტ როლს ასრულებდნენ და ასრულებენ. 25 თებერვალი გლოვის დღეა, საქართველოს მაშტაბით დროშები ჩამოშვებულია, ჩვენც ვუერთდებით ამ ღონისძიებებს.” –  გვითხრა ღონისძიების ერთ-ერთმა ორგანიზატორმა თამარ ბაუჟაძემ.

ნეტგაზეთის მასალების სხვა გამოცემებში გადაბეჭდვის წესი
ქეთი ლაბაძე