Batumelebi | ქობულეთის ცენტრში აფთიაქი დააყაჩაღეს ქობულეთის ცენტრში აფთიაქი დააყაჩაღეს – Batumelebi
RU | GE  

ქობულეთის ცენტრში აფთიაქი დააყაჩაღეს

15 იანვარს, ქობულეთში, აღმაშენებლის ქუჩაზე, აფთიაქი დააყაჩაღეს. ენმ-ეს წევრის, რეზო ხარაზის ინფორმაციით, შემთხვევა ღამის 12 საათამდე მოხდა. მისი თქმით, აფთიაქთან ახლოს პოლიციაც პატრულირებდა.

„აფთიაქი არის ქობულეთის ცენტრში, ავტოსადგურთან ახლოს. იქვე იყო პატრულიც, მაგრამ ფაქტია, რომ მაინც მოხდა ყაჩაღობა,“-გვეუბნება ის.

შს სამინისტრო აფთიაქის დაყაჩაღების ფაქტს ადასტურებს. პრესსამსახურის ინფორმაციით, გამოძიება დაწყებულია სსსკ-ის 179  მუხლით. „დადგენილია სავარაუდო დამნაშავე და ამ დროისთვის მიმდინარეობს  ღონისძიებები მის დასაკავებლად“.

შს ინფორმაციით, აფთიაქის დაყაჩაღების დროს ტერიტორიაზე არ იმყოფებოდა პატრული: „შემდეგ შემოვიდა განცხადება და დაიწყო გამოძიება“, განაცხადეს შსს-ში.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com