ქობულეთი-ბათუმის მაგისტრალზე, სოფელ ბობოყვათთან ერთმანეთს სატვირთო და მსუბუქტი ავტომანქანები დაეჯახნენ. ავტოსაგზაო შემთხვევის შედეგად ადგილზე გარდაიცვალა მსუბუქი ავტომანქანის მძროლი, სატვირთოს მძღოლი – საავადმყოფოშია გადაყვანილი.
შინაგან საქმეთა სამინისტროს პრესსამსახურის ინფორმაციით, დაწყებულია გამოძიება სისხლის სამართლის კოდექსის 276-ე მუხლის მე-5 ნაწილის მიხედვით. ეს მუხლი ტრანსპორტის მოძრაობის უსაფრთხოების, ან ექსპლუატაციის წესების დარღვევას გულისხმობს, რამაც გამოიწვია ადამიანის სიცოცხლის მოსპობა და ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.
