BBC-ის რუსული რედაქციის ინფორმაციით, მოსკოვში 80 წლის ასაკში სტალინის შვილიშვილი – ევგენი ჯუღაშვილი გარდაიცვალა. ერთ-ერთი რუსული გამოცემის ცნობით, ჯუღაშვილი ქუჩაში, თავის სახლთან ახლოს გახდა ცუდად. ადგილზე მისულ სასწრაფოს ჯგუფს ჯუღაშვილი გარდაცვლილი დახვდა.
რედაქციის ცნობით, ბოლო წლებში ევგენი ჯუღაშვილმა არაერთხელ მიმართა სასამართლოს იმ ადამიანების წინააღმდეგ, ვინც მის ბაბუას – იოსებ სტალინს მასობრივ რეპრესიებზე აკისრებდა პასუხისმგებლობას.
