Batumelebi | გაზის მიწოდება ბათუმსა და ხელვაჩაურში დღის ბოლომდე სრულად უნდა აღდგეს გაზის მიწოდება ბათუმსა და ხელვაჩაურში დღის ბოლომდე სრულად უნდა აღდგეს – Batumelebi
RU | GE  

გაზის მიწოდება ბათუმსა და ხელვაჩაურში დღის ბოლომდე სრულად უნდა აღდგეს

„ბათუმელებს“ „სოკარ ჯორჯია გაზში“ განუცხადეს, რომ ბათუმსა და ხელვაჩაურში ბუნებრივი აირის მიწოდება დღეს, 17 დეკემბერს, დღის ბოლომდე სრულად უნდა აღდგეს.

„აღდგენითი სამუშაოები მიმდინარეობს. ვვარაუდობთ, რომ დღის 3 საათისთვის ყველა აბონენტს მივაწოდებთ ბუნებრივ აირს, თუმცა მეტი სიზუსტისთვის გეტყვით, რომ დღის ბოლომდე აირის მიწოდება სრულად აღდგება“ – გვითხრეს კომპანიაში.

აჭარაში, მათ შორის ქალაქ ბათუმში, აბონენტებს ბუნებრივი აირის მიწოდება 16 დეკემბერს გამთენიისას შეუწყდა. გაზის მიწოდება გუშინ სრულად უნდა აღდგენილიყო, თუმცა კომპანიამ ეს ვერ მოახერხა და აბონენტების ნაწილი კვლავ გაზის გარეშეა დარჩენილი. კომპანიის ცხელ ხაზზე – 16114 – დაკავშირებას მოქალაქეები მეორე დღეა ვერ ახერხებენ.

აჭარის მთავრობამ კი განცხადება გაავრცელა და მოსახლეობას მოუწოდა განსაკუთრებული ყურადღებით მოეკიდონ უსაფრთხოების ნორმების დაცვას.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com