Batumelebi | კურორტ „გოდერძიზე“ სეზონი გაიხსნა კურორტ „გოდერძიზე“ სეზონი გაიხსნა – Batumelebi
RU | GE  

კურორტ „გოდერძიზე“ სეზონი გაიხსნა

დღეს, 10 დეკემბერს გოდერძის სათხილამურო კურორტის ზამთრის სეზონი გაიხსნა. კურორტზე ორი სახის საბაგირო გონდოლაა. ტრასების საერთო სიგრძე რვა კილომეტრია. საბაგიროს მაქსიმალური სიმაღლე კი ზღვის დონიდან 2366 მეტრია.

მთავრობის ინფორმაციით აჭარის მთავრობისა და საერთაშორისო კომპანიის ერთობლივი მუშაობის შედეგად კურორტის განაშენიანების რეგულირების გეგმის ძირითად ნაწილზე მუშაობა უკვე დასრულებულია. კურორტის სამომავლო განვითარება ამ დოკუმენტის მიხედვით განხორციელდება.

კურორტზე შვიდი საცხოვრებელი სასტუმროს ტიპის კოტეჯი, ერთი სასტუმრო და ადმინისტრაციული შენობაა განთავსებული. საბოლოო გეგმის მიხედვით კურორტმა 7 ათასი დამსვენებლის ერთდროულად მიღება უნდა შეძლოს.

სამთო-სათხილამურო კურორტ „გოდერძიზე“ ორი მაღალი დონის სასტუმროს მშენებლობას უკვე ჩაეყარა საფუძველი. 100 ნომრიანი „ალიანს რეზორტი“ 3 120 კვ.მ ტერიტორიაზე შენდება და ერთდროულად 250-მდე დამსვენებლის მიღებას შეძლებს.

მთავრობის ინფორმაციით სასტუმროს ოპერირებას საერთაშორისო ბრენდი განახორციელებს. პროექტში 100 ადგილობრივი დასაქმდა. კომპლექსში საცურაო აუზი, ტენისის კორტები, ბავშვთა გასართობი ცენტრი, ბარი, რესტორანი, გამაჯანსაღებელი კომპლექსი, კაზინო, საკონფერენციო დარბაზი, მიწისქვეშა და მიწისზედა ავტოსადგომი მოეწყობა.

კურორტ „გოდერძიზე“ კიდევ ერთი 150 ნომრიანი სასტუმრო „ეიფორია სქაი თაუერის“ მშენებლობა დაიწყო,რომლის ოპერირებას ასევე, საერთაშორისო ბრენდი განახორციელებს. პროექტით 15 მილიონი დოლარის ინვესტიცია განხორციელდება და ჯამში 100 ადგილობრივი დასაქმდება. სასტუმროში რესტორანი, საკონფერენციო დარბაზი, გამაჯანსაღებელი ცენტრი, საცურაო აუზი და სხვა ობიექტები განთავსდება. ტერიტორიაზე 40 ავტომანქანაზე გათვლილი პარკინგი მოეწყობა.

დღეს გახსნის ცერმონიალის ფარგლებში კურორტზე სპეციალური განათებები და დეკორაციები მოეწო და მოთხილამურეთა საჩვენებელი სრიალი გაიმართა.

ღონისძიებას აჭარის მთავრობის თავმჯდომარე ზურაბ პატარიძე, აჭარის ფინანსთა და ეკონომიკის მინისტრი რამაზ ბოლქვაძე და საქართველოს ეკონომიკისა და მდგრადი განვითარების სამინისტროს შპს „მთის კურორტების გავითარების კომპანიის“ ხელმძღვანელი ალექსანდრე ონოფრიშვილი ესწრებიან.

15397600_1622660354426757_1736809123_o15388564_1622645061094953_466902654_o
15409505_1406335829401351_1884929458_o

კურორტი გოდერძი გაიხსნა

კურორტი გოდერძი გაიხსნა

15399074_1622660294426763_1079812637_o

ნეტგაზეთის მასალების სხვა გამოცემებში გადაბეჭდვის წესი
ავტორი