სარფის საბაჟოზე სარეკონსტრუქციო სამუშაოებს დაახლოებით 11 თვე დასჭირდება. ამის შესახებ ინფორმაცია “ბათუმელებს” ოზაი ქოთლუმ მიაწოდა, ბათუმში თურქეთის გენერალური საკონსულოს საბაჟო ატაშემ. მისი თქმით, სამუშაოების ვადები ოფიციალურად განსაზღვრული არ არის და იგი დამოკიდებული იქნება ამინდზე, ასევე მოძრაობის ინტენსივობაზე.
ოზაი ქოთლუს ინფორმაციით, ამ წუთებში უნდა გაიხსნას სარფის საბაჟოს ერთ-ერთი გასასვლელი, რომელიც ბოლო სამი დღის განმავლობაში დახურული იყო.
სარფში, საქართველო-თურქეთის საზღვარზე შეზღუდული რეჟიმის ამოქმედების შესახებ საქართველოს შემოსავლების სამსახურმა ოფიციალური განცხადება 24 ნოემბერს გაავრცელა. განცხადების მიხედვით, შეზღუდვები სარეკონსტრუქციო-სამშენებლო სამუშაოებს უკავშირდება.