Batumelebi | სარფში საზღვრის კვეთისას ორივე მხრიდან შეზღუდვები იქნება სარფში საზღვრის კვეთისას ორივე მხრიდან შეზღუდვები იქნება – Batumelebi
RU | GE  

სარფში საზღვრის კვეთისას ორივე მხრიდან შეზღუდვები იქნება

საქართველოს შემოსავლების სამსახურის ინფორმაციით, 28 ნოემბრიდან საქართველო-თურქეთის საზღვარზე, სარფში, თურქეთის რესპუბლიკის საბაჟო გამშვები პუნქტის „სარფი“ სარეკონსტრუქციო სამშენებლო სამუშაოების დაწყების გამო, სგპ “სარფში”, ორ ქვეყანას შორის მიმოსვლისას, საბაჟო პროცედურები ორივე მიმართულებით განხორციელდება შეზღუდულ რეჟიმში: „კერძოდ, სამშენებლო სამუშაოების დასრულებამდე მგზავრებს, ავტომანქანებს, ავტობუსებსა და სატვირთო მანქანებს მოემსახურება მხოლოდ 2 გასასვლელი (გეითი gate), ერთ-ერთი მოემსახურება ქვეყნიდან გამსვლელ, მეორე კი შემომსვლელ ავტოსატრანსპორტო საშუალებებსა და მგზავრებს“.

„შემოსავლების სამსახური მოგმართავთ თხოვნით, სგპ “სარფის” გავლით საზღვრის კვეთისას, გაითვალისწინოთ შექმნილი ვითარება, ან ისარგებლოთ საქართველო-თურქეთის დამაკავშირებელი სხვა (სგპ “კარწახი”,სგპ “ვალე”) საბაჟო გამშვები პუნქტებით და თავიდან აიცილოთ შეზღუდული გადაადგილებით გამოწვეული პრობლემები“ – აღნიშნულია შემოსავლების სამსახურის მიერ გავრცელებულ განცხადებაში.

შენიშვნა:

სარფის საბაჟოზე სარეკონსტრუქციო სამუშაოებს დაახლოებით 11 თვე დასჭირდება. ამის შესახებ ინფორმაცია “ბათუმელებს” 28 ნოემბერს ოზაი ქოთლუმ მიაწოდა, ბათუმში თურქეთის გენერალური საკონსულოს საბაჟო ატაშემ.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com