ქედის მუნიციპალიტეტის გამგეობის საფინანსო სამსახურის უფროსმა ჯემალ ტაკიძემ დღეს ქედის საკრებულოს, გამგეობის საფინანსო-საბიუჯეტო სამსახურის მიერ გაწეული სამი კვარტლის ანგარიში წარუდგინა.
გამგეობის მიერ წარმოდგენილი ანგარიშის მიხედვით, ქედის ფაქტიურმა შესრულებამ 7 მილიონ 127 887 ლარი შეადგინა, რაც ბიუჯეტის გეგმის 92, 8 %-ია. ქედის ადგილობრივმა თვითმართველობამ ცხრა თვის განმავლობაში გათანაბრებითი ტრანსფერით ანუ ცენტრალური ბიუჯეტიდან 3 016 900, ხოლო კაპიტალური ტრანსფერის სახით, ანუ აჭარის ბიუჯეტიდან 2 მლნ. 7 66 387 ლარი მიიღო.
რაც შეეხება ქონების შემოსავალს, შემოსავალმა 159 837 ლარი შეადგინა, ხოლო ქონების გადასახადი 461 58 ლარით განისაზღვრა.
„ბიუჯეტის შემოსავლითი ნაწილი გადაჭარბებით შესრულდა, სამი კვარტლის მონაცემებით შესრულება 102%-ს შეადგენს, 2016 წელს დავგეგმეთ 250 000 ლარი ქონების გადასახადისგან მისაღებელი შემოსავალი, ფაქტიურმა შესრულებამ 461 580 ლარი შეადგინა, აქედან 250 000 ლარი ავანსის სახით ჰესის მშენებელმა კომპანიამ „აჭარისწყალ ჯორჯიამ“ გადაიხადა“ – განმარტა ჯემალ ტაკიძემ.
საკრებულოს სხდომაზე დეპუტატებმა დღის წერიგით გათვალსიწინებული მხოლოდ ამ ერთ საკითხზე იმსჯელეს, შესრულების ანგარიშს კი დამსწრე 17 დეპუტატიდან 14 დაუჭირა მხარი.
