სომხური წარმოშობის რუსმა პროპაგანდისტმა, მარგარიტა სიმონიანმა, რომელიც Russia Today-ს მთავარი რედაქტორია, საჯაროდ უკვე იმის შესახებ მოყვა, რომ მისი შვილიც მძიმედ არის ავად.
სიმონიანის მეუღლე ტელეწამყვანი და კრემლის მომხრე რეჟისორი, ტიგრან კეოსაიანი 26 სექტემბერს გარდაიცვალა. სიმონიანის თქმით, შვილის განუკურნებელი დიაგნოზის შესახებ სწორედ მაშინ გაიგო, როცა ქმარი კლინიკაში იმყოფებოდა კომატოზურ მდგომარეობაში. მალევე კი საკუთარი დიაგნოზის შესახებაც გაიგო – სიმონიანს კიბოს დიაგნოზი აქვს და ქიმია თერაპიის კურსი ჩაიტარა.
„ჩემი საყვარელი ადამიანი კომაში ჩავარდა, სულ რაღაც 40 დღეში კი შვილთან დაკავშირებით ეს ამბავი ირკვევა… უბრალოდ, კატასტროფაა.
ეს იყო ერთადერთი რამ, რამაც მაშინ საავადმყოფოდან გამომიყვანა – როდესაც ტიგრანი კომაში ჩავარდა, მასთან ერთად დავწექი საავადმყოფოში და მეგონა, რომ სულ მასთან ვიქნებოდი.
და აი, ამ ყველაფერს ერთდროულად გავდივართ… სამსახურსა და ოჯახს შორის ვარ გაგლეჯილი, რადგან მარტო დავრჩი და ყველაფრის შენახვა, რჩენა და მოვლა მე მიწევს. შუაში ვარ მოქცეული ქმარს შორის, რომელიც საავადმყოფოში კომაშია და შვილს შორის, რომელიც მთელ ჩემს სულიერ ძალას მოითხოვს.
და პირველ სექტემბერს ვიგებ, რომ მეც კიბო მაქვს“.
სიმონიანის თქმით, საკუთარი დიაგნოზის მოსმენის შემდეგ იცით, როგორი რეაქცია მქონდა? ისტერიული ხარხარი აუტყდა.
