გემთწამყვანის სპეციალობაზე აბიტურიენტები უცხო ენის გამოცდას მხოლოდ ინგლისურ ენაზე ჩააბარებენ


ბათუმის საზღვაო აკადემიის 2017  წლის ერთიანი ეროვნული გამოცდების ჩამონათვალში  ცვლილებაა. კერძოდ,  ბაკალავრიატის საგანმანათლებლო პროგრამაზე  – „საზღვაო ნავიგაცია“ (იგივე გემთწამყვანი სპეციალობა) ჩარიცხვის მსურველი აბიტურიენტი უცხო ენის გამოცდას მხოლოდ ინგლისურ ენაზე ჩააბარებს.

წინა წლებში აბიტურიენტს ჰქონდა უცხო ენის არჩევის შესაძლებლობა ინგლისურ, რუსულ, გერმანულ და ფრანგულ ენებს შორის.

გემთწამყვანის სპეციალობაზე ოთხი გამოცდა ბარდება: ქართული ენა და ლიტერატურა; ზოგადი უნარები; ინგლისური ენა; მათემატიკა ან/და გეოგრაფია.

საზღვაო აკადემიის განცხადებით, ყველა სხვა საგანმანათლებლო პროგრამაზე უცხო ენათა არჩევითი ბლოკი ძალაში რჩება. რაც გულისხმობს, რომ აბიტურიენტი ირჩევს ოთხი ენიდან (ინგლისური ენა, გერმანული ენა, ფრანგული ენა, რუსული ენა) ერთ-ერთს.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.