Batumelebi | გია აბულაძე: „ქართული ოცნების“ კოორდინატორები მოქალაქეებს პირადობის მოწმობას სთხოვენ გია აბულაძე: „ქართული ოცნების“ კოორდინატორები მოქალაქეებს პირადობის მოწმობას სთხოვენ – Batumelebi
RU | GE  

გია აბულაძე: „ქართული ოცნების“ კოორდინატორები მოქალაქეებს პირადობის მოწმობას სთხოვენ

ენმ-ეს წევრის, გია აბულაძის განცხადებით, 70-ე საარჩევნო ოლქში, „ქართული ოცნების“ კოორდინატორები მოქალაქეებს პირადობის მოწმობებს ართმევენ.

„ჩვენ ეს ინფორმაცია მივიღეთ მოქალაქეებისგან. პირადობის მოწმობებს იყენებენ არჩევნების გასაყალბებლად.  ამიტომ მინდა მოვუწოდო მოქალაქეებს, რომ არ მისცენ „ქართული ოცნების “ ან სხვა პარტიების წარმომადგენლებს თავიანთი პირადობის მოწმობები“.

„ბათუმელების“ კითხვაზე, რა მოტივით სთხოვდნენ პირადობის მოწმობას მოქალაქეებს კოორდინატორები? გია აბულაძე ამბობს: „არჩევნებზე მხარდაჭერის ნიშნად სთხოვდნენ პირადობის მოწმობას.“

გია აბულაძის თქმით, მსგავსი პრაქტიკას წინა არჩევნებზეც იყენებდნენ პარტიები.

გია აბულაძემ ეს განცხადება დღეს, 29 ოქტომბერს ჟურნალისტებთან ბრიფინგზე გააკეთა.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com