Batumelebi | სარფის საზღვარი თურქეთის მოქალაქეების გარდა სხვებისთვის მესამე დღეა ჩაკეტილია სარფის საზღვარი თურქეთის მოქალაქეების გარდა სხვებისთვის მესამე დღეა ჩაკეტილია – Batumelebi
RU | GE  

სარფის საზღვარი თურქეთის მოქალაქეების გარდა სხვებისთვის მესამე დღეა ჩაკეტილია

სარფის საბაჟოზე, საზღვრის გადაკვეთასთან დაკავშირებული პროგრამული ხარვეზი, შესაძლოა დღეს საღამომდე მოგვარდეს, ამის შესახებ „ბათუმელებს“ თურქეთის გენერალურმა კონსულმა ბათუმში, იასინ თემიზქანმა უთხრა.

„პრობლემა ტექნიკურ საკითხს ეხება, ამიტომ შესაძლებელია მალევე – ერთ საათშივე მოგვარდეს, ან შეიძლება საღამომდე,  დაზსუტებით ვერ გეტყვით“- თქვა იასინ თემიზქანმა.

თურქეთის კონსული ამ დროისთვის სარფის სასაზღვრო გამშვებ პუნქტზე იმყოფება. მისი განმარტებით ეს პრობლემა არა მხოლოდ სარფის სასაზღვრო გამშვებ პუნქტზე, არამედ თურქეთის მხრიდან ყველა სასაზღვრო პუნქტებზე შეიქმნა – „ხარვეზის გამოსასწორებლად მუშაობენ თურქეთის რესპუბლიკის შესაბამისი სამსახურები და ველოდებით უმოკლეს ვადაში აღნიშნული პრობლემის აღმოფხვრას” – ამბობს ის – “ასევე სარფის სასაზღვრო გამშვებ პუნქტზე ქართველი და თურქი მესაზღვრეები ინტენსიურად მუშაობენ იმაზე, რომ ვისაც გადაუდებელი საქმე აქვს, ორივე ქვეყნის მხრიდან, ჩვეულ რეჟმში შეძლონ საზღვრის გადაკვეთა და გადმოკვეთა”.

თურქეთის გენერალური კონსულის განმარტებით, თურქეთის მოქალაქეებისთვის და სხვა დანარჩენი უცხო ქვეყნების მოქალაქეებისთვის საზღვარზე არსებული სისტემა სხვადასხვაა, ამიტომაც თურქეთის მოქალაქეები თავისუფლად ახერხებენ საზღვრის გადაკვეთას, პრობლემა სხვა ქვეყნების მოქალაქეებს ექმნებათ.

სარფის საზღვრის გადაკვეთის პრობლემა, საქართველოს მოქალაქეებს გუშინწინ საღამოს ექვსი საათიდან შეექმნათ. საზღვართან ამ დრომდე რიგები დგას.

 

ნეტგაზეთის მასალების სხვა გამოცემებში გადაბეჭდვის წესი
ავტორი: როინ გუნდაძე