Batumelebi | ტრაილერების ავტოსადგომი ევკალიპტების ნაცვლად ტრაილერების ავტოსადგომი ევკალიპტების ნაცვლად – Batumelebi
RU | GE  

ტრაილერების ავტოსადგომი ევკალიპტების ნაცვლად

გონიოს მაგისტრალზე მრავალწლოვანი ევკალიპტების მოჭრას ბათუმის მერია ვერ შეაჩერებს, რადგან აღნიშნული ტერიტორია კერძო საკუთრებაა – ამის შესახებ „ბათუმელებს“ მერიის გამწვანებისა და ლანდშაფტური დაგეგმარების სამსახურის დირექტორმა, ეთერ მაჭუტაძემ უთხრა.

„ჩვენგან არ არის არანაირი ნებართვა გაცემული. ეს არის კერძო საკუთრება, სადაც ჩვენ არ გვაქვს არც მოჭრის და არც არმოჭრის მითითების საშუალება. საბუთებით დასტურდება, რომ ეს ტერიტორია კერძო საკუთრებაა. მათ ჩვენგან თანხმობა არ სჭირდებათ, კანონში არაფერი არ არის, რაც მოგვცემს მათი შეჩერების უფლებას“ – ამბობს ეთერ მაჭუტაძე.

მისი თქმით, აღნიშნული ტერიტორია კერძო მესაკუთრემ, ქეთევან ზაქარეიშვილმა მიყიდა შპს „ემირჰან ინშაათს“, რომლის წარმომადგენლის, მამუკა ჩაგუნავას თქმით, ევკალიპტების მოჭრის შემდეგ აქ ტრაილერების ავტოსადგომი აშენდება.

ეთერ მაჭუტაძის თქმით, მოჭრის ნებართვა წითელ ნუსხაში არსებულ ხეებს სჭირდება, ევკალიპტი კი წითელ ნუსხაში არ არის.

გონიოს მაგისტრალის მიმდებარედ ევკალიპტები დაახლოებით 70-80 წლის წინ დარგეს. ძირითადად,  დაჭაობებული ადგილების ამოსაშრობად და, ასევე, ქარსაფარი ზოლის შესაქმნელად.

ზვიად ალხანაიძის ფოტო

ზვიად ალხანაიძის ფოტო

ზვიად ალხანაიძის ფოტო

ზვიად ალხანაიძის ფოტო

ზვიად ალხანაიძის ფოტო

ზვიად ალხანაიძის ფოტო

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com