დღეიდან, 20 ოქტომბრიდან, „ბათუმველოს“ მომხმარებლებს სააბონენტო ბარათის შევსება „საქართველოს ბანკის“ სწრაფი გადახდდის აპარატებიდანაც შეეძლებათ.
პაატა დუმბაძე
შპს „ბათუმის ავტოტრანსპორტის“ დირექტორის პაატა დუმბაძის განმარტებით, „საქართველოს ბანკის“ სწრაფი გადახდის აპარატებიდან ბარათების შევსება შესაძლებელი იქნება საკომისიოს გარეშე: „თანხა ბარათზე აისახება ავტომატურად, ჩარიცხვისთანავე. გადახდის მინიმალური თანხა არის 1 ლარი. აღნიშნული სერვისი შეამცირებს რიგებს საინფორმაციო ცენტრში და მნიშვნელოვნად გააუმჯობესებს მომსახურების ხარისხს“.
დირექტორის თქმით, მომხმარებლებს სხვა სიახლეებსაც შესთავაზებენ, რის შესახებაც დეტალურ ინფორმაციას მოგვიანებით გაავრცელებენ.
