Batumelebi | ბათუმის მერია სათვალთვალო კამერების შესყიდვას გეგმავს ბათუმის მერია სათვალთვალო კამერების შესყიდვას გეგმავს – Batumelebi
RU | GE  

ბათუმის მერია სათვალთვალო კამერების შესყიდვას გეგმავს

ბათუმის მერია ადმინისტრაციული შენობების ვიდეოკონტროლზე ასაყვანად სათვალთავალო კამერების შეძენას გეგმავს. შესყიდვების სამსახურმა ელექტრონული ტენდერი ვიდეოკამერების სერვერების დაზიანებული გენერატორის დენისა და ძაბვის რეგულატორის, ასევე ავტომატური გადამრთველი პანელის შეძენა-მონტაჟის შესყიდვაზეც გამოაცხადა. ორივე შესყიდვისთვის მერიამ ჯამში 14 608 ლარი გაითვალისწინა.

სატენდერო დოკუმენტაციის მიხედვით ვიდეოსათვალთვალო კამერები უნდა იყოს თავსებადი არსებული ვიდოედაკვირვების ინფრასტრუქტურასთან; მერიას ცხრა შიდა კამერა და სამი გარე კამერა სჭირდება.

გიორგი ყენიას ინფორმაციით, რომელიც მერიაში ტექნიკურ უზრუნველყოფაზე პასუხისმგებელი პირია, მერიის ადმინისტრაციულ შენობებში ერთი თვის წინ სათვალთვალო კამერები „ძლიერი ელვის გამო“ გადაიწვა და არ მუშაობდა.

ბათუმის მერიამ 215 ვიდეოთვალში ორი წლის წინ 1 მილიონამდე ლარი გადაიხადა. რაში იყენებდა ბათუმის მერია ამ ვიდეოსათვალთვალო კამერებს? – ამ შეკითხვაზე პასუხი არც მერიაში ჰქონდათ და არც საკრებულოში, სადაც გადაწყვეტილება მიიღეს.

ნეტგაზეთის მასალების სხვა გამოცემებში გადაბეჭდვის წესი
ავტორი