ავტორი: ნათია ზოიძე
რამდენიმე წუთის წინ სოციალურ ქსელში „ემსახურე საქართველოს“ ლიდერმა მურმან დუმბაძემ განცხადება გაავრცელა: „გამიტეხეს საფოსტო ყუთი (ელ.ფოსტა), ჩემგან გაიგზავნა შეურაცხმყოფელი წერილები (დადასტურებული ინფორმაციით ადრესატებიდან).
ამასთან ქალაქში (ბათუმში, რამდენიმე ადგილას) გააავრცელეს ნაბეჭდი სახით ჩემს მიმართ უბინძურესი შინაარსის ტექსტი. როგორც ჩანს, ბოროტება ერთი და იგივე წყაროთი იკვებება. საჭიროდ ვთვლი (სიფხიზლისათვის), ყოველივე ზემოთქმული ვაცნობო საზოგადოებას.“
Batumelebi.ge მურმან დუმბაძეს დაუკავშირდა დამატებითი ინფორმაციისთვის. „ემსახურე საქართველოს“ ლიდერი აკონკრეტებს, რომ მისი ელ.ფოსტიდან „ორ ჟურნალისტ ქალბატონთან გაიგზავნა საშინელი წერილი, ისეთი გარყვნილი, ბინძური კაცი რომ მისწერს ქალს. ასევე ბათუმში ორი პოლიტიკური პარტიის ოფისთან ნახეს ჩემი ფოტოთი დაბეჭდილი ფურცლები, სადაც ასევე იყო მოწოდება ჩემს მომხრეებისთვის, რომ მე ცუდი კაცი ვარ და რატომ ურთიერთობენ ჩემთან.“
დუმბაძე ფიქრობს, რომ ეს მოახლოებულ არჩევნებს და „ემსახურე საქართველოს“ წევრების რაოდენობის ზრდას უკავშირდება. იგი ამბობს, რომ მსგავსი რამ 2008 წლის, საპარლამენტო არჩევნების წინაც ხდებოდა.
მურმან დუმბაძე არ აპირებს მიმართოს პროკურატაურას. ფიქრობს, რომ შეიძლება ეს კერძო ინიციატივა იყოს, მაგრამ ასევე არ გამორიცხავს, რომ სახელმწიფოს სტრუქტურების მხრიდანც ხორციელდებოდეს მისი დისკრედიტაციის მცდელობა.
ავტორი: ნათია ზოიძე
რამდენიმე წუთის წინ სოციალურ ქსელში „ემსახურე საქართველოს“ ლიდერმა მურმან დუმბაძემ განცხადება გაავრცელა: „გამიტეხეს საფოსტო ყუთი (ელ.ფოსტა), ჩემგან გაიგზავნა შეურაცხმყოფელი წერილები (დადასტურებული ინფორმაციით ადრესატებიდან).
ამასთან ქალაქში (ბათუმში, რამდენიმე ადგილას) გააავრცელეს ნაბეჭდი სახით ჩემს მიმართ უბინძურესი შინაარსის ტექსტი. როგორც ჩანს, ბოროტება ერთი და იგივე წყაროთი იკვებება. საჭიროდ ვთვლი (სიფხიზლისათვის), ყოველივე ზემოთქმული ვაცნობო საზოგადოებას.“
Batumelebi.ge მურმან დუმბაძეს დაუკავშირდა დამატებითი ინფორმაციისთვის. „ემსახურე საქართველოს“ ლიდერი აკონკრეტებს, რომ მისი ელ.ფოსტიდან „ორ ჟურნალისტ ქალბატონთან გაიგზავნა საშინელი წერილი, ისეთი გარყვნილი, ბინძური კაცი რომ მისწერს ქალს. ასევე ბათუმში ორი პოლიტიკური პარტიის ოფისთან ნახეს ჩემი ფოტოთი დაბეჭდილი ფურცლები, სადაც ასევე იყო მოწოდება ჩემს მომხრეებისთვის, რომ მე ცუდი კაცი ვარ და რატომ ურთიერთობენ ჩემთან.“
დუმბაძე ფიქრობს, რომ ეს მოახლოებულ არჩევნებს და „ემსახურე საქართველოს“ წევრების რაოდენობის ზრდას უკავშირდება. იგი ამბობს, რომ მსგავსი რამ 2008 წლის, საპარლამენტო არჩევნების წინაც ხდებოდა.
მურმან დუმბაძე არ აპირებს მიმართოს პროკურატაურას. ფიქრობს, რომ შეიძლება ეს კერძო ინიციატივა იყოს, მაგრამ ასევე არ გამორიცხავს, რომ სახელმწიფოს სტრუქტურების მხრიდანც ხორციელდებოდეს მისი დისკრედიტაციის მცდელობა.
