რუსეთ-საქართველოს ურთიერთობას გააქტიურების ტენდენცია აქვს – აცხადებს რუსეთის ფედერაციის საბჭოს საერთაშორისო ურთიერთობების კომიტეტის თავმჯდომარე, გრიგორი კარასინი რუსულ პროპაგანდისტულ მედია TASS-თან ინტერვიუში.
„გაგვიხარდებოდა, დიპლომატიური ურთიერთობები რომ აღგვედგინა. დღეისთვის, ისტორიული მიზეზების გამო, ჩვენ გვაქვს შვეიცარიის საელჩოს ფილიალი თბილისში, რომელიც ჩვენი დიპლომატებისგან შედგება. ზუსტად ასე ჰქვია, ისევე, როგორც მოსკოვში შვეიცარიის საელჩოს ფილიალი, რომელიც წარმოადგენს საქართველოს ინტერესებს. და იქ ქართველი დიპლომატები მუშაობენ. ანუ, ზოგადად ურთიერთობებს გააქტიურების ტენდენცია აქვთ“, – აღნიშნა მან.
„ჩვენ მივიჩნევთ, რომ ბოლო წლებში საქართველოს პოლიტიკური ელიტა, პოლიტიკური ხელმძღვანელობა შესამჩნევად მომწიფდა“, – ხაზგასმით აღნიშნა კარასინმა.
მისი თქმით, „საქართველო სავსეა პასუხისმგებლობიანი მიდგომებით“:
„ეს რუსეთის საზოგადოებრივ აზრს იზიდავს. თანდათან უმჯობესდება ტურიზმი და ჩვენთან ქართველი ტურისტების ვიზიტები“ – აცხადებს კარასინი.
