უკრაინის პრეზიდენტი ვოლოდიმირ ზელენსკი მიიჩნევს, რომ კრემლი “აშკარად დასცინის” დასავლეთის მცდელობებს, შეაჩეროს რუსეთის ომი უკრაინის წინააღმდეგ.
ამის შესახებ ზელენსკიმ 31 მარტს, სოციალურ ქსელებში გავრცელებულ ვიდეომიმართვაში ისაუბრა.
„ახლა მოსკოვში ღიად დასცინიან პარტნიორების მცდელობებს, ხელი შეუწყონ სამშვიდობო დღის წესრიგს – მუდმივად დრონების ახალი დარტყმები, სასტიკი დაბომბვა. ეს მხოლოდ ზეწოლით უნდა შეწყდეს და რუსეთი უნდა აიძულო, მშვიდობა დაამყაროს.
ევროპა არ დაივიწყებს ამ ომის მორალურ დასკვნებს. არ შეიძლება პუტინი და სხვა რუსი დამნაშავეები, თავად რუსული სახელმწიფო, პასუხისმგებლობისგან გათავისუფლდნენ. შეუძლებელია იმის ნორმალიზება, რაც მათ გააკეთეს ბუჩაში, მარიუპოლში და ჩვენს სხვა ქალაქებსა და სოფლებში. ჩვენ გავაგრძელებთ მუშაობას იმისათვის, რომ რუსეთის პასუხისმგებლობა ომზე ხელშესახები იყოს”, – აღნიშნა ზელენსკიმ.
