Batumelebi | ზურაბ პატარაძის მეუღლე სოციალურ კაფეში მოხალისეობრივად იმუშავებს ზურაბ პატარაძის მეუღლე სოციალურ კაფეში მოხალისეობრივად იმუშავებს – Batumelebi
RU | GE  

ზურაბ პატარაძის მეუღლე სოციალურ კაფეში მოხალისეობრივად იმუშავებს

აგვისტოში, ბათუმში, საინიციატივო ჯგუფმა “თავისუფალმა სივრცემ” სოციალური კაფე გახსნა, პირველი, სრულად ადაპტირებული ადგილი შეხვედრებისა და დისკუსიებისათვის. ეს განსაკუთრებული კაფეა იმ თვალსაზრისითაც, რომ აქ მომსახურე პერსონალი 2 ან მეტი საათით შეიძლება იყოს ნებისმიერი მსურველი. 19 სექტემბერს, 13:00-დან 15:00 საათამდე, ამ კაფეში სოფიო ბაკურიძე იმუშავებს, აჭარის მთავრობის თავმჯდომარის, ზურაბ პატარაძის მეუღლე. ამის შესახებ ინფორმაცია „თავისუფალი სივრცის“ ფეისბუქგვერდზეა განთავსებული.

Screen shot 2016-09-19 at 12.37.32 AM

კაფე თავისუფალი სივრცე

კაფე თავისუფალი სივრცე

კაფეს მენეჯმენტისთვის ამ სახის ურთიერთობა ნებისმიერ მოქალაქისგან დიდ მხარდაჭერაა. „თავისუფალი სივრცის“ ერთ-ერთმა თანამშრომელმა ნინო ჩხაიძემ 13 სექტემბერს შემდეგი შინაარსის პოსტი გამოაქვეყნა:

ჩემო ახლო და არაახლო მეგობრებო, მინდა გაცნობოთ, რომ თავისუფალი სივრცე / Free Space უკვე ფლობს ყველა რესურს, რათა სოციალური კაფე ხარისხიანად ამუშავდეს (დიდი მადლობა ამ ყველაფრისათვის ერგულ და უანგარო მეგობრებს)!

ვდგავართ ერთი პრობლემისა თუ გამოწვევის წინაშე, რაც გამოიხატება ბარმენის ვერ პოვნაში… მოკლედ, ძალიან რთული აღმოჩნა მოხალისეობრივ საწყისებთან გათანაბრებული ახალგაზრდის ან არაახალგაზრდის პოვნა,რომელიც დასაწყისში “მინიმალური” ხელფასის სანაცვლოდ იმუშავებდა…

ამიტომ, გადავწყვიტეთ, ის, რაც მოხალისეობრივად შევქმენით, ბარემ მოხალისეობრივად დაიწყოს კაფემაც მუშაობა.

რა გვსურს თქვენგან?

არ აქვს მნიშვნელობა შენს სქესს, რელიგიურ აღმსარებლობას, პოლიტიკურ თუ სხვა ტიპის თანამდებობას, არც იმას, ხელოვანი ხარ ჟურნალისტი თუ ბათუმის მერი :)

…თუ შეგიძლიათ დღესში 1-2 საათი მოხვიდეთ ჩვენთან და ბარში მოხალისეობირვად იმუშაოთ, მომწერეთ.

შენი მოხალისეობრივი საქმიანობა ხელს შეუწყობს სამომავლოდ შეზღუდული შესაძლებლობის მქონე პირთა დასაქმებას, საზოგადოებრივი თავშეყრის ადაპტირებული გარემოს პოპულარიზაციას და ერთ-ერთი მთავარი “სიკეთის” – მოხალისეობის ჯანსაღი სახით დამკვიდრებას ჩვენს საზოგადოებაში”.

დათო ტრაპაიძე თავისუფალ სივრცეში

დათო ტრაპაიძე თავისუფალ სივრცეში

“თავისუფალი სივრცში” ერთ-ერთ პირველს, „პრაქტიკა“ უკვე ჰქონდა დათო ტრაპაიძეს, ბლოგერს, “აჭარის რადიოს” ჟურნალისტს.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.