5000-ლარიანი ჯარიმა 19-ჯერ აღემატება საარსებო მინიმუმს და კონსტიტუციის დარღვევაა – ქურდოვანიძე

საიას თავმჯდომარე ნონა ქურდოვანიძე, საპროტესტო აქციებში მონაწილე მოქალაქეების მასობრივ დაჯარიმებებს ფეისბუქზე გამოეხმაურა.

მისი თქმით, დაჯარიმება 5000 ლარით იმ საფუძვლით, რომ გზა უკანონოდ გადაიკეტა, რადგან ხალხის რაოდენობა არ იყო საკმარისი, კონსტიტუციის დარღვევაა.

„იმ შემთხვევაშიც კი, თუ კანონი ფორმალურად ირღვევა, არაძალადობრივი ქცევა/პროტესტი სისხლისსამართლებრივ დასჯას არ უნდა დაექვემდებაროს.

5000-ლარიანი სანქცია, ანუ 19-ჯერ მეტი, ვიდრე საარსებო მინიმუმია, სისხლისსამართლებრივ დასჯას უთანაბრდება და აშკარად არაპროპორციულია.

ამ პრინციპების შესახებ ძალიან კარგად იცის ყველა მოსამართლემ და ამ არაადამიანური სამართალდარღვევათა კოდექსის პირობებშიც შეუძლიათ გამოსავლის პოვნა და ამ დასჯის არგამოყენება.

თუმცა, ამ საქმის განმხილველი მოსამართლეები მოსამართლის მანტიას ტყუილად ატარებენ და ყოველ დღე ასობით მოქალაქე საკუთარი გამოცდილებით რწმუნდება, რომ სასამართლო არ არსებობს“ – წერს ფეისბუქზე ნონა ქურდოვანიძე.

საქართველოში მასობრივი საპროტესტო, ახალი არჩევნების მოთხოვნით 28 ნოემბრის შემდეგ მიმდინარეობს ქვეყანაში.

„ოცნების“ ანტიკონსტიტუციური ხელისუფლება საპროტესტო აქციებში მონაწილე მოქალაქეებს ყველა ხშირად „გზის უკანონოდ გადაკეტვის“ მოტივით 5 ათასი ლარით აჯარიმებს. ცალკეულ მოქალაქეებს ამავე მიზეზით დღეში ორ-სამჯერაც კი მისდით დაჯარიმების შესახებ შეტყობინება.