დღეს, 15 თებერვალს, ბათუმში ანონსდება საპროტესტო მარში – „არა რუსულ დიქტატურას!“
აქციის მონაწილეები 18 საათზე შეიკრიბებიან ბათუმში, ცენტრალური პარკის კოლონადებთან, საიდანაც მსვლელობა გაემართება საკონსტიტუციო სასამართლოსკენ, სადაც ყოველ საღამოს მიმდინარეობს პროევროპული საპროტესტო აქცია.
„საქართველო დგას გადამწყვეტი საფეხურზე – ჩვენი არჩევანი არის ან თავისუფლება, ან რუსული დიქტატურა!
დღეს, საქართველოს ხელისუფლება რუსული სცენარით ახორციელებს რეპრესიებს, ზღუდავს სიტყვის თავისუფლებას, ამკაცრებს კანონმდებლობას და ცდილობს, ქვეყანა კრემლის გავლენის ქვეშ შეიყვანოს!
თუ არ გავაპროტესტებთ, საქართველო გადაიქცევა პუტინის რუსეთის ანალოგიურ დიქტატურად, სადაც:
- დაპატიმრებები და რეპრესიები გახდება ყოველდღიურობა!
- სიტყვის თავისუფლება დაიხშობა, მედია კი სრულად დაექვემდებარება რეჟიმს!
- შეკრებისა და პროტესტის უფლება აღარ იარსებებს!
- ქვეყანა საბოლოოდ ჩამოშორდება ევროპას და აღმოჩნდება რუსეთის ბნელი გავლენის ქვეშ!
ეს ბრძოლა არის ჩვენი ქვეყნის გადარჩენისთვის!
თუ ახლა არ შევაჩერებთ ამ პროცესს, ხვალ გვიანი იქნება!“ – ვკითხულობთ ღონისძიების ტექსტში.
დღეს უკვე 80 დღე ხდება, რაც ბათუმში ყოველ საღამოს, უწყვეტად მიმდინარეობს პროევროპული საპროტესტო აქცია.
______________
ფოტო „ბათუმელების“ აქრივიდან
