თბილისის საპატრულო პოლიციის ყოფილი უფროსი, გიორგი გეგეჭკორი რიგით პოლიციელებს მიმართავს და ურჩევს კარგად დაფიქრდნენ, რას აკეთებენ.
ყოფილი მაღალჩინოსანი პოლიციელებს აფრთხილებს, რომ ნიღბები მათ ვერ დაიცავს, რადგან მათი უფროსობა სიებით ხელში ივლის პარტიების ოფისებში და დეტალურად მოუყვება, ვინ რას აკეთებს ამ დღეებში.
მისი შეფასებით, ეს პროცესი უკვე დაწყებულია.
„პოლიციელებს მინდა რჩევა მოგცეთ… კარგად დაფიქრდით, ვის ემსახურებით და ვის ბრძანებებს ასრულებთ. იმ თქვენი უფროსებიდან უმრავლესობა მეორე მხარეს მისასვლელ გზებს ეძებს და თავის გადასარჩენად ხომ იცით, რასაც იზამენ? – სწორია, პირველი თქვენ ჩაგიშვებენ და გაგყიდიან..
ნურავის ნუ გექნებათ იმედი, რომ ნიღაბი დაგიცავთ… ყველას იდენტიფიცირება მოხდება და მიზეზი ისევ ეგ, ბრძანების გამცემი თქვენი უფროსობა იქნება, საკუთარი თავის გადასარჩენად სიებით ხელში რომ ირბენენ პარტიის ოფისებში და თან დეტალურად მოყვებიან, ვინ, რას აკეთებდით ამ დღეებში.
ეგ პროცესი უკვე დაწყებულია და დანარჩენს რომ მიხვდეთ, ტვინი ყველას თუ არა უმრავლესობას მაინც გეყოფათ… თან, არც ერთი სამსახური არ ღირს ხალხის პატივისცემისა და ადამიანობის დაკარგვად“, – წერს გიორგი გეგეჭკორი ფეისბუქის პირად გვერდზე.
