დღეს, 4 დეკემბერს, დაახლოებით 03:30 საათზე, საპოლიციო ძალებმა დაიწყეს თბილისში, რუსთაველის გამზირზე მყოფი აქციის მონაწილეების დაშლა. პოლიცია ძირითადად წყლის ჭავლსა და მხუთავ აირს იყენებს.
აქციის მონაწილეები მსვლელობით გაემართნენ ფილარმონიის მიმართულებით, გზადაგზა ცდილობდნენ დაყოვნებას და ერთმანეთს მოუწოდებდნენ, რომ გადაადგილებისას ერთმანეთს არ ჩამორჩნენ. ასევე ისმის გაფრთხილებები, რომ ვიწრო ქუჩებში არ შევიდნენ.
ამ დროისთვის აქციის მონაწილეები გმირთა მოედანზე იკრიბებიან, რომ ერთიანად განაგრძონ მსვლელობა.
__
შეგახსენებთ, რომ მეექვსე დღეა, მთელი ქვეყნის მასშტაბით მოსახლეობის მასობრივი საპროტესტო აქციები იმართება.
საქართველოს მოქალაქეები აპროტესტებენ „ქართული ოცნების“ განცხადებას, რომ 2028 წლამდე აჩერებს საქართველოს ევროკავშირთან ინტეგრაციის პროცესს, რასაც მოჰყვა მასობრივი გამოსვლები ქვეყანაში.
დემონსტრანტებს პოლიცია სასტიკად არბევს. დაკავებულია, ნაცემი და მძიმედ დაშავებულია 300-ზე მეტი ადამიანი.
საპროტესტო აქციები გრძელდება.
