მთავარი,მთიანი აჭარა,სიახლეები

„მამაკაცები დავრჩეთ, შეკითხვები მაქვს“ – გარჩევები ქედის საკრებულოში

26.08.2016 • 1550
„მამაკაცები დავრჩეთ, შეკითხვები მაქვს“ –  გარჩევები ქედის საკრებულოში

ქედის მუნიციპალიტეტის საკრებულომ  გამგებლის პირველი  მოადგილის თანამდებობაზე სახელფასო სარგოსთან დაკავშირებით ადმინისტრაციული წარმოება მას შემდეგ დაიწყო, რაც ქედის გამგებელმა დავით დუმბაძემ მისი ერთ-ერთ მოადგილე გურამ ბერიძე დააწინაურა და პირველ მოადგილედ დანიშნა.

წარმოდგენილი დოკუმენტის მიხედვით, გამგებლის პირველი მოადგილის ხელფასი 1700 ლარითაა განსაზღვურული. რა თანხა გაიწერება გამგებლის პირველი მოადგილის თანამდებობაზე, ეს მას შემდეგ გახდება ცნობილი, რაც ადმინისტრაციული წარმოება დასრულდება და დეპუტატები საბოლოოდ უყრიან კენჭს თანამდებობრივ სარგოს.

ამ დროისთვის გამგებლის მოადგილეების ხელფასი ქედის გამგეობაში 1 300 ლარია.

პარტია „ერთიანი ნაციონალური მოძრაობის“ ქედის საკრებულოს წევრ ვაჟა ბოლქვაძეს, გამგებლის მოადგილეების ხელფასებს შორის 400 ლარის სხვაობა დაუშვებლად მიაჩნია და ამბობს, რომ „ოცნება“ საკუთარი ხელფასებითაა დაინტერესებული.

„განსხვავებული ხელფასი უნდა ჰქონდეს გამგებლის პირველ მოადგილესა და დანარჩენ მოადგილეებს, მაგრამ არა 400 ლარით, ეს დაუშვებელია, „ოცნება“საკუთარი ხელფასების ზრდითაა დაინტერესებული“ – ამბობს ვაჟა ბოლქვაძე.

სხდომის დასრულებისთანავე საკრებულოში პირადი გარჩევები დაიწყო. “ერთიანი ნაციონალური მოძრაობის” დეპუტატმა ბაქარ ბარამიძემ სიტყვით მიმართა საკრებულოს თავმჯდომარეს: „მამაკაცები დავრჩეთ, შეკითხვები მაქვს“ და დარბაზიდან ქალების გასვლა მოითხოვა. საკრებულოს თავმჯდომარე ამირან ცინცაძე განმარტავს, რომ საკრებულოში „პირადი საკითხები“ განიხილეს და ქალების ყოფნა საჭირო არ იყო.

ქედის საკრებულოში ორი ქალია, სხდომას ასევე აპარატის თანამშრომელი ქალებიც ესწრებოდნენ.

„პირადი საკითხები იყო გასარკვევი და დასალაპარაკებელი მამაკაცებში, სხვა არაფერი, არ იყო იქ ქალბატონების ყოფნა საჭირო“ – განაცხადა საკრებულოს თავმჯდომარემ.

გადაბეჭდვის წესი


ასევე: