აჭარის უმაღლეს საარჩევნო კომისიაში პოლიტიკური პარტიების რეგისტრაციის ვადა დღეს, 12 აგვისტოს 18:00 საათზე იწურება.
აჭარის უმაღლესი საბჭოს არჩევნებში მონაწილეობის მიზნით უსკოში 11 აგვისტოს 18:00 საათის მონაცემებით 15 საარჩევნო სუბიექტია რეგისტრირებული. 6 პოლიტიკური პარტიის განცხადება კი განხილვის პროცესშია.
პოლიტიკურმა სუბიექტებმა, რომლებსაც ცენტრალურ საარჩევნო კომისიაში რეგისტრაცია არ აქვთ გავლილი, უსკოში 3 000 მხარდამჭერის ხელმოწერა 19 აგვისტომდე უნდა წარადგინონ. ამ დროისთვის უმაღლეს საარჩევნო კომისიაში ასეთი ერთი საარჩევნო სუბიექტის განცხადებაა შესული.
საარჩევნო სუბიექტებს პარტიული სიების წარდგენის ვადა არჩევნებამდე არა უგვიანეს 30 დღისა, 8 სექტემბრამდე აქვთ.
