Batumelebi | ეკლესიის მიმდებარე სკვერში ტუალეტის მშენებლობას აპროტესტებენ ეკლესიის მიმდებარე სკვერში ტუალეტის მშენებლობას აპროტესტებენ – Batumelebi
ნეტგაზეთი • RU

ეკლესიის მიმდებარე სკვერში ტუალეტის მშენებლობას აპროტესტებენ

“მამულიშვილთა კავშირის” თავმჯდომარე ნიაზ ბოლქვაძე, ბათუმის საკათედრო ტაძრის მიმდებარე ტერიტორიაზე  საზოგადოებრივი ტუალეტის მშენებლობას აპროტესტებს – “ამ ადგილზე უახლოეს მომავალში (ოსმალთა სამასწლოვანი ბატონობისგან აჭარის განთავისუფლების და  დედა–სამშობლო საქართველოსთან დაბრუნებისთვის თავდადებულ) გმირთა მემორიალი უნდა დაიდგას.  ასევე ეს ადგილი ძალიან ახლოს არის ტაძართან და აქვეა განთავსებული ბავშვთა  გასართობი ადგილიც, ამიტომ მიგვაჩნია რომ აქ საზოგადოებრივი ტუალეტის მშენებლობა დაუშვებელია. საზოგადოებრივი ტუალეტი აუცილებელია და რაც შეიძლება მეტი ოღონდ სხვაგან სადაც შესაძლებელი იქნება,“– ამბობს ის. ობელისკის აღმართვა, თავიდან სწორედ “მამულიშვილთა კავშირის” ინიციატივა იყო.

აღნიშნულ ტერიტორიაზე ტუალეტის მშენებლობას მოქალაქეების ნაწილიც აპროტესტებს, მათი განმარტებით იქვე ახლოს უკვე არის განტავსებული ერთი საზოგადოებრივი ტუალეტი რომელიც ფასიანია –  „ჩვენ ვაპროტესტებთ აქ ტუალეტის მშენებლობას, რადგანაც აღნიშნულ ტერიტორიაქზე არის ბავშვების სათამაშოები, აქვე 30 მ–ში არის ფასიანი ტუალეტი. რა საჭიროა  მეორე ტუალეტის გაკეთება, ჩემი აზრით ეს ყოვლად მიუღებელია,“ –  ამბობს გურამ კაკაბაძე.

ამავე თემაზე:

ახალი მემორიალი სკვერის ხარჯზე

„ევროპული დონის“ საპირფარეშოები ქალაქის სკვერებში

ნაკლებად მწვანე ბათუმი და სკვერების გაყიდვის სამთავრობო პოლიტიკა

ნეტგაზეთის მასალების სხვა გამოცემებში გადაბეჭდვის წესი
როინ გუნდაძე