დღეს, 28 ივნისს, მასწავლებლის ეროვნული ჯილდოს საუკეთესო ათეულის წევრები გამოვლინდნენ.
ათეულში მოხვდნენ შემდეგი პედაგოგები:
- ნუკრი კარკაძე – ბაღდათის პირველი საჯარო და როკითის სკოლის მუსიკის მასწავლებელი
- გიორგი ლიპარიშვილი – თბილისის მე-6 საავტორო სკოლის, გამოყენებითი ხელოვნების, ქართული ენისა და ლიტერატურის მასწავლებელი
- ნანა მარღანია – სოფელ ვარციხის სამოქალაქო განათლების მასწავლებელი
- ინგა მოსიაშვილი – საჩხერის მე-2 საჯარო სკოლის ბიოლოგიის, ბუნებისმეტყველების და მუსიკის მასწავლებელი
- ნათია ნარსავიძე – დმანისის მე-3 საჯარო სკოლის ინგლისური ენის მასწავლებელი
- ნათია ნაფეტვარიძე – თბილისის 161-ე საჯარო სკოლის ქართული ენისა და ლიტერატურის მასწავლებელი
- დიმიტრი პოპოვი – გურჯაანის საჯარო სკოლის კომპიუტერული ტექნოლოგიების მასწავლებელი
- ნათია უჩავა – თბილისის 126-ე საჯარო სკოლის დაწყებითი საფეხურის, ლიტერატურის, მათემატიკის და ბუნებისმეტყველების მასწავლებელი
- სოფიო ქუხილავა – მესტიის სოფელ წვირმის საჯარო სკოლის ინგლისურის მასწავლებელი
- ნინო შუხოშვილი – საპატრიარქოს ყვარლის გიმნაზიის გეოგრაფიის და სამოქალაქო განათლების მასწავლებელი
მასწავლებლის ეროვნული ჯილდოს გამარჯვებულის ვინაობა 5 ოქტომბერს, მასწავლებლის საერთაშორისო დღეს გახდება ცნობილი.
მასწავლებლის ეროვნული ჯილდოს კონკურსი საქართველოში 2017 წელს დაარსდა და ის მასწავლებელთა პოპულარიზაციისკენ მიმართული გლობალური კამპანიის – „The Global Teacher Prize“ ნაწილია.
ეროვნული ჯილდოს მფლობელ მასწავლებელს ჯილდოს სახით 15 ათასი ლარი გადაეცემა, საუკეთესო ათეულის დანარჩენ წევრებს კი ლიბერთი დააჯილდოვებს.
ეროვნული ჯილდოს კატეგორიაზე წარდგენილი მასწავლებელი უნდა გამოირჩეოდეს თავისი პროფესიული საქმიანობით, სწავლების ინოვაციური მეთოდით და ჰქონდეს ხელშესახები წარმატებები სწავლა-სწავლების პროცესში.
