თურქეთში, ჰაერის მაღალი ტემპერატურის ფონზე ტყის ხანძარი დაფიქსირდა ქვეყნის შვიდ პროვინციაში.
თურქული მედიის ცნობით, ტყის ხანძრები სტამბოლის, ჩანაქკალეს, მუღლას, სინოპის, კუტაჰიასა და იზმირის პროვინციებში კონტროლს ექვემდებარება, ხოლო მეხანძრე-მაშველები მუშაობენ ხანძრის ჩასაქრობად უშაკის პროვინციაში.
მედიის ინფორმაციით, ძლიერი სიცხის გამომწვევი ჩრდილოეთ აფრიკიდან შემოსული თბილი ჰაერის მასები გახდა, რის გამოც საბერძნეთსა და თურქეთში ტემპერატურამ +45 გრადუს ცელსიუსამდე აიწია.
სტამბოულის კატასტროფების საკოორდინაციო ცენტრმა გამოაქვეყნა გაფრთხილება 35 გრადუს ცელსიუსსა და ტყის ხანძრის გაზრდილი რისკის შესახებ.
სინოპტიკოსების ცნობით, ცხელი ამინდი თურქეთში პარასკევის ჩათვლით შენარჩუნდება.
_______________
ფოტო: „დეილი საბაჰი“
