ჯგუფი MASSIVE ATTAK საქართველოში კონცერტის გაუქმების მიზეზად მთავრობის მიერ ადამიანების ძირითად უფლებებზე თავდასხმას ასახელებს.
„ჩვენ გადავწყვიტეთ გავაუქმოთ ჩვენი შოუ 28 ივლისს, საქართველოს მთავრობის მიერ ადამიანის უფლებებზე თავდასხმის გამო.
ამ მომენტში, სახელმწიფო საკუთრებაში არსებულ Black Sea Arena-ზე გამოსვლა შეიძლება აღქმული იყოს, როგორც მშვიდობიანი პროტესტებისა და სამოქალაქო საზოგადოების ძალადობრივი ჩახშობის მხარდაჭერა.
მშვიდობიანი დემონსტრანტების, აქტივისტებისა, ოპონენტების ცემა, დაკავება, მუქარა, კანონებთან ერთად, რომლებიც ეწევა სამოქალაქო საზოგადოების დისკრედიტაციას და უარყოფს ლგბტ ადამიანების უფლებებს, ეწინააღმდეგება ყველაფერს, რისიც ჩვენ გვჯერა.
სოლიდარობას ვუცხადებთ საქართველოში მშვიდობიან მომიტინგეებს, რომლებიც ეწინააღმდეგებიან სახელმწიფო ძალადობას და ვგრძნობთ, რომ მათი ხმა უნდა იქნეს გაგონილი, მათი ბრძოლა უნდა იყოს საერთაშორისო ყურადღების ცენტრში. ჩვენ დავბრუნდებით და თქვენთან ერთად გამოვალთ თავისუფლებაში. დაიცავი პროტესტი“ – წერია MASSIVE ATTAK-ის X- ზე [ყოფილი ტვიტერი].
Georgia. #ProtectTheProtest pic.twitter.com/PEdqNdrnH2
— Massive Attack (@MassiveAttackUK) June 12, 2024
იქამდე „ბლექ სი არენამ“ გაავრცელა ინფორმაცია, რომ კონცერტი „გაუთვალისწინებელი გარემოებების გამო“ გაუქმდა და ბილეთის მფლობელებს გადახდილი თანხა ეტაპობრივად აუნაზღაურდებათ.
Black Sea Arena-ზე ბრიტანულ ჯგუფ Massive Attack-ის კონცერტი 28 ივლისს უნდა გამართულიყო. ღონისძიების დაანონსებიდან მალევე ქართველმა მსმენელებმა Massive Attack-ის სოციალურ ქსელებში მისწერეს, რომ გადაეხედათ მათი თანამშრომლობისთვის საქართველოს „მჩაგვრელ მთავრობასთან“, რომელიც ამ ღონისძიების დაფინანსების პარალელურად ცდილობდა რეპრესიული აგენტების კანონის მიღებას.
ვრცლად ამ თემაზე – დააკლიკეთ.
