საპარლამენტო უმრავლესობამ დაძლია პრეზიდენტ სალომე ზურაბიშვილის ვეტო და მიიღო რუსული კანონი.
რუსულ კანონს ხმა 84-მა დეპუტატმა მისცა.
ვეტოს დაძლევის შემდეგ აღარ რჩება არანაირი სამართლებრივი ან პროცედურული ბერკეტი, რაც საქართველოში რუსული კანონის ამოქმედებას ხელს შეუშლის.
საქართველოში უკვე ორი თვეა იმართება მასშტაბური საპროტესტო აქციები რუსული კანონის წინააღმდეგ. კანონს აპროტესტებენ სტუდენტები, მოსწავლეები, მეცნიერები, ლექტორ-მასწავლებლები, სხვადასხვა პროფესიით ათი ათასობით ადამიანი ითხოვდა კანონის გაწვევას, თუმცა მთავრობამ საზოგადოების ხმა არ გაიგონა.
ამერიკის შეერთებულმა შტატებმა ღიად განაცხადა, რომ კანონის ძალაში შესვლის შემთხვევაში ისინი დაუწესებენ სანქციებს კანონის მხარდამჭერ პირებსა და მათ ოჯახებს, ასევე იმ პირებს, რომლებიც ძალადობენ კანონის მოწინააღმდეგე აქტივისტებზე.
დასავლელი პარტნიორების განცხადებით, ამ კანონის მიღება საბოლოოდ დახურავს ევროპული მომავლის კარს საქართველოსთვის, რადგან „მსგავსი კანონმდებლობის ადგილი ევროპაში არ არის“.
მსგავსი კანონი რუსეთის ხელისუფლების ხელში იქცა რეპრესიულ იარაღად, რის შედეგადაც ამჟამად რუსეთიდან გამქრალია დამოუკიდებელი მედია და სამოქალაქო ორგანიზაციები, გარდა ამისა, ის გამოიყენება ფიზიკური პირების შესაზღუდად და მათზე ზეწოლისთვის.
____________
ფოტოზე: პლაკატი ბათუმში გამართული აქციიდან რუსული კანონის წინააღმდეგ. ფოტო: „ბათუმელები“
