დღეს, 15 აპრილს, ბათუმში, ევროპის მოედანზე რუსული კანონი გააპროტესტეს. აქციის მონაწილეების განცხადებით, საქართველოს ადგილი ევროპაშია და ისინი არასდროს დათანხმდებიან რუსული კანონების მიღებას ამ ქვეყანაში.
ახალგაზრდები რუსული კანონის წინააღმდეგ ბათუმში.
ფოტო: ლელა დუმბაძე/ბათუმელები
„მტერს დავხვდეთ მტრულად, მოყვარეს მოყვრულად“ – ამბობენ ევროპის მოედანზე შეკრებილი ახალგაზრდები. მათი თქმით, აქციები მანამ გაგრძელდება, სანამ „ქართული ოცნება“ ამ კანონს ისევ უკან არ გაიწვევს.
ბათუმელი ახალგაზრდები რუსული კანონის წინააღმდეგ.
რუსული კანონის საწინააღმდეგო აქციაზე იმყოფებოდა მასწავლებლის ეროვნული ჯილდოს მფლობელი პედაგოგი, ლადო აფხაზავაც.
აქციაზე მყოფი მოქალაქეების განცხადებით, ისინი არ დაუშვებენ, რომ ხელისუფლებამ უცხო ქვეყნის გავლენის აგენტები უწოდოს ადამიანებს, საზოგადოებრივ ორგანიზაციებს, რომლებიც წლების განმავლობაში ქართული საზოგადოების ინტერესებს ემსახურებიან.
არა რუსულ კანონს – აქცია ბათუმში.
საქართველოს მთავრობას მოუწოდეს საქართველოს სტრატეგიულმა პარტნიორებმა, ევროკავშირმა, რომ არ მიიღოს ადამიანის უფლებების წინააღმდეგ მიმართული კანონი. ამ კანონს, საქართველოს ხელისუფლებას უწონებს მხოლოდ ოკუპანტი რუსეთი და კრემლის რეჟიმის პროპაგანდისტი დუგინი.
აქცია ბათუმში – კი ევროპას, არა რუსეთს.
სამოქალაქო სექტორის წარმომადგენლები აპროტესტებენ რუსულ კანონს
ბათუმში, ევროპის მოედანზე რუსულ კანონს აპროტესტებენ
