მთავარი,სიახლეები

ნახევარი მილიონის ოქროს გადმოტანისთვის სარფის საბაჟოზე მძღოლი დააკავეს

29.02.2024 • 3815
ნახევარი მილიონის ოქროს გადმოტანისთვის სარფის საბაჟოზე მძღოლი დააკავეს

სარფის საბაჟო საზღვარზე ნახევარ მილიონზე მეტი ლარის ღირებულების ოქროს საბაჟო წესების დარღვევით გადმოტანის ფაქტი გამოვლინდა, რაზეც დაკავებულია ერთი პირი. ინფორმაციას ფინანსთა სამინისტროს საგამოძიებო სამსახური ავრცელებს.

საგამოძიებო სამსახურის ცნობით, გამოძიებით დადგინდა, რომ ბრალდებულმა, მის კუთვნილ ავტობუსში მოწყობილი სპეციალური სამალავით, საბაჟო-გამშვები პუნქტი სარფის გავლით, საქართველოში შემოიტანა არადეკლარირებული, განსაკუთრებით დიდი ოდენობით ძვირფასი ლითონის საიუველირო ნაკეთობები.

გამოძიების ამ ეტაპზე ავტობუსში აღმოჩენილია და ამოღებულია 5 კილოგრამზე მეტი ოქროს ნაკეთობები, სავარაუდო ღირებულებით 535 000 ლარი.

გრძელდება შესაბამისი საგამოძიებო მოქმედებები ავტობუსში სხვა შესაძლო სამალავების აღმოჩენისა და დამატებით კონტრაბანდული ძვირფასეულობის ამოღების მიზნით.

გამოძიება მიმდინარეობს საქართველოს სისხლის სამართლის კოდექსის 214-ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას 5-დან 7-წლამდე ვადით.

გადაბეჭდვის წესი


ასევე: